اوکراین روس حربیسی نینگ تلفاتی حقیده یازمه روشده معلومات بیردی

اوکراین سونگگی بیر کونده روس اردوسی نینگ 400 حربیسی نینگ اولگن لیگینی بیلدیردی.  

اوکراین قوراللی کوچلر قومندانلیگی تامانیدن بیریلگن یازمه بیاناتده اوروش باشله گن 24 فبروریدن بوگونگچه روس اردوسی نینگ 28 مینگ 300 نفر حربی، 202 ته اوچاق، 167 ته تیک اوچر و 1 مینگ 251 ته تانک، 3 مینگ 43 ته زره واسطه، 586 توپ، 199 ته راکت تیزیمی و 91 ته هوا مدافعه تیزیمی نینگ اوکراین تامانیدن یوق قیلینگن لیگی بیلدیریلدی. بیاناتده سونگگی بیر کونده روس اردوسی نینگ 400 حربیسی نینگ اولگن لیگی تاکییدلندی.

روس کوچلری نینگ 2 مینگ 137 ته واسطه، 13 ته کیمه و کم سرعتلی قَییق بیلن بیر قطارده 441 ته هیداوچیسیز هوا واسطه سی و 43 ته خاص تجهیزاتینی قولدن بیرگن لیگی شونده ی بولیب روسلر تامانیدن آتیلگن 102 ته راکت نینگ هم اوکراین هوا مدافعه تیزیمی تامانیدن اوریب خنثی قیلینگن لیگی قید ایتیلدی.

روسیه مدافعه وزیرلیگیدن 25 مارچ تاریخیده بیریلگن بیاناتده 1 مینگ 351 نفر روس حربیسی نینگ اولگن لیگی بیلدیریلگندی.