سویدن تورکیه بیلن همکارلیک نی آرتیرماقچی

سویدن باش وزیری ماگدالینا آندرسون, اولکه سی نینگ ناتو ایچیده تورکیه بیلن همکارلیک نی آرتیریش نی آرزو قیلیاتگن لیگی نی معلوم قیلدی. 

آندرسون, رسمی بیر سفر بیلن سویدن پایتختی استکهلم گه تشریف بویورگن فنلاند جمهوررئیسی ساولی نینیستو بیلن اوچره شدی.  کیین ایکله رهبر اورتاق مطبوعاتی کنفرانس ترتیب له دی. 

تورکیه بیلن ناتو اوچون مذاکره قیلیش گه اهمیت بیریاتگن لیک لری نی بیلدیرگن آندرسون, "سویدن نینگ ناتو ایچیده تورکیه بیلن همکارلیگی نی آرتیریش نی آرزو قیلماقده میز.  سویدن, ناتو و اوروپا اتفاقی کبی, هر خیل تروریزم گه قرشی کوره ش گه تیار.  موجود معما لر نی بحث ایتیب ییچیش و تورکیه بیلن مذاکره گه تیارمیز" دییه قید ایتدی. 

تورکیه گه کیلیش گه تیار ایکن لیگی نی بیلدیرگن آندرسون, سویدن و فنلاند نینگ ناتو اعضالیگی اوچون اورتاق مراجعه قیله دیگن لیک لری نی معلوم قیلدی. 

فنلاند جمهوررئیسی ساولی نینیستو هم تورکیه نینگ فنلاند و سویدن نینگ ناتو اعضالیگی گه مخالفتی گه حیران بولیب قالگن لیگی نی معلوم قیلرایکن, انقره بیلن مذاکره گه تیار ایکن لیک لری نی بیلدیردی.