چینده چوکیب کیتگن بناده اونلب کیشی حیاتینی یوقاتدی

چین نینگ هنان ایالتی نینگ مرکزی چنگشا شهریده چوکیب کیتگن بناده 53 کیشی حیاتینی یوقاتدی و 10 کیشی قوتقریب آلیندی.

محلی باشقرووی تامانیدن بیریلگن بیاناتده 29 اپریلده چوکیب کیتگن بنانینگ آستیده بیر هفته دن بیری دوام ایتیب تورگن قیدیروو و قوتقروو اورونیشلری نینگ اداغگه ییتیب بارگن لیگی بیلدیریلدی.

شونده ی بولیب بنانینگ آستیده قالگن برچه کیشی گه ییتیب بایریلگن لیگی بیراق تلفات سانی نینگ 53 گه ییتگن لیگی افاده ایتیلدی.

آلدینگی کونی کیچه بیر عیال کیشی 132 ساعت کیین ساغ – ساغلم چیقریب آلینگندی.

8 میلیون اطرافیده نفوسی بولمیش چنگشا شهری نینگ وانگچینگ تومنیده 700 مترمربعلیک ساحه ده قوریلگن کوپ قواتلی بنا 29 اپریلده چوکیب کیتگندی.

بنانینگ چوکیب کیتیشیده مسؤل توتیلگن و ایچلریده بنانینگ ایگه سی هم بولمیش توپلم 9 کیشی قولگه آلینگندی.