امریکا قوشمه ایالتلریده بیر نفر تورک وطنداشی پیچاقلندی

امریکا قوشمه ایالتلری نینگ نیویورک شهریده بیر نفر تورک وطنداشی, کیم ایکن لیگی انیقلنمه گن بیر کیشی تامانیدن "تورک بولگن لیگی اوچون" پیچاقلندی. 

نیویورک پولیسی تامانیدن تویتر آرقه لی بیریلگن بیاناتده, اوشبو حادثه نینگ 15- اپریلده منهاتن ده یوز بیرگن لیگی بیلدیریلرایکن, هجومچی نینگ تصویری گه اورین اجره تیلدی. 

پولیس, کیین بیرگن بیاناتیده, کیم ایکن لیگی انیقلنمه گن بیر کیشی نینگ تورک لر گه قرشی سوز لر ایتیب, 24 یاشلی بیر ایرکک تورک وطنداشی نی پیچاقله گن لیگی نی معلوم قیلدی. 

پیچاقلنگن و کسلخانه گه آلیب باریلگن کیشی نینگ کیم ایکن لیگی حقیده معلومات بیریلمس ایکن, دیلی نیوز ویب سایتی بیرگن خبریده ایسه, پولیس منبع لری نینگ هجومچی نینگ پیچاقله مسدن آلدین, 24 یاشلی ییگیت دن تورک ایکن لیگی و یاکه ایمس لیگی نی سوره گن لیگی و کیین "تورک لردن نفرت ایته من" دیب هجوم قیلگن لیگی نی بیلدیرگن لیگی معلوم قیلیندی.

محلی خبر منبع لری آرقه لی ترقه تیلگن بیر ویدیوده, اوشبو کیشی نینگ "تورک بولگن لیگی اوچون پیچاقلنگن لیگی" بیلدیریلدی. 

هجومچی بیلن علاقه لی معلومات بیره دیگن کیشی لر گه 3 مینگ 5 یوز دالر جایزه بیریله دیگن لیگی نی بیلدیرگن نیویورک پولیسی, اوشبو هجوم گه تیگیشلی نفرت جرمی تیرگاوی باشلتدی.