اوکراینده اون توقیز مینگ توقیز یوز روس عسکری نینگ اولگن لیگی بیلدیریلدی

اوکراین قوراللی کوچ لری قوماندان لیگی بیرگن بیاناتیده, روسیه نینگ اوکراین گه قرشی هجوم لری نینگ باشله گن کوندن (24- فبروری) 14- اپریل گه قدر 19 مینگ توقیز یوز روس عسکری نینگ اولگن لیگی نی بیلدیردی.

بیاناتده, عینی دمده اوکراین اردوسی نینگ روسیه نینگ 160 اوچاغی, 144 هلیکوپتری, 753 تانکی, 1968 زرهی واسطه سی, 366 توپی, 122 راکتی و 64 هوا مدافعه تیزیمی نی یوق قیلگن لیگی بیلدیریلدی.  

بوندن تشقری اوکراین اردوسی نینگ روسیه نینگ 1437 نظامی موتری, 7 کیمه و یینگیل سرعتلی قایقی, 76 تیل تانکری و 134 اوچووچیسیز اوچاغی نی یوق قیلگن لیگی معلوم قیلیندی. 

روسیه مدافعه وزیرلیگی تامانیدن 25- مارچ ده بیریلگن بیاناتده, اوکراین ده 1351 نفر روس عسکری نینگ اولگن لیگی بیلدیریلگن ایدی. 

عینی دمده وزیرلیک, اوکراین نینگ ماریوپول شهریده سونگگی 24 ساعتده 1160 نفر اوکراین لیک عسکر نینگ اسیر آلینگن لیگی نی بیلدیردی. 

بیاناتده, اوشبو اسیر لرنینگ 176 نفری نینگ منصبدار ایکن لیگی و 47 نفری نینگ ایسه عیال عسکر ایکن لیک لری معلوم قیلیندی.