جاپان روسیه نی قتتیق قاره له دی
امریکا قوشمه ایالتلری رهبریتی هم روسیه جمهوررئیسی ولادیمیر پوتین نی "اوروش مجرمی" اوله راق بهالنتیرگن ایدی
جاپان حکومتی, اوکراین ده تینچ اهالی نینگ اولدیریلیشی نی قتتیق قاره لرایکن, اوروش جرم لری سببلی روسیه نینگ جزاله نیشی کیره ک ایکن لیگی نی بیلدیردی.
کابینه باش سکرتری ماتسونو هیروکازو بیرگن بیاناتیده, "روس عسکر لری نینگ اوکراین ده گی تینچ اهالی نینگ اولدیریلگن لیگی" بیلن علاقه لی خبر لرنینگ حکومت نی "حیرتلنتیریب قویگن لیگی" و بو وضعیت نی قتتیق قاره له گن لیک لری نی معلوم قیلدی.
معصوم انسان لرنینگ اولدیریلیشی نی "خلق ارا انسان حق لری نینگ جدی بیر شکلده پایمال ایتیلگن لیگی" اوله راق بهالنتیرگن ماتسونو, "حقیقت لرنینگ تاپیلیشی و روسیه نینگ اوروش جرم لری سببلی جزاله نیشی" کیره ک ایکن لیگی نی بیلدیردی.
جاپان نینگ جی 7 اولکه لری و خلق ارا جامعه بیلن همکارلیکده حرکت قیلیاتگن لیک لری نی بیلدیرگن ماتسونو, بیرلشگن ملت لر تشکیلاتی خوفسیزلیک کینگشی نینگ فعالیت لری نی ایسه "قیغو" بیلن کوزه تیاتگن لیک لری نی قیلدی.
میلادی 2022- ییل 1- اپریلده اوکراین پایتختی کیف یقینی ده گی بوچا شهری نی روسیه کوچ لری دن تصفیه قیلگن اوکراین حربی لری, بنالری ویران قیلینگن و کوچه لری ایسه جسد لردن تولیق بیر شهر گه شاهد بولگن ایدی.
کیف یقین لریده قوتقریلگن مسکونی ساحه لرده 410 تینچ اهالی نینگ جسدی تاپیلگن ایدی.
اوشبو حادثه آرتیدن امریکا قوشمه ایالتلری رهبریتی ایسه روسیه جمهوررئیسی ولادیمیر پوتین نی "اوروش مجرمی" اوله راق بهالنتیرگن ایدی.
علاقه لی ینگی لیکلر
آذربایجان بیلن ارمنستان اورته سیده تینچلیک اوچره شوولری بولیب اوتماقده
اوشبو اوچره شوولرگه قزاقستان نینگ آلماتا شهری میزبانلیک قیلماقده
سنگال ده بیر اوچاق نینگ یولدن چیقیب کیتگن لیگی بیلدیریلدی
یولدن چیقیب کیتگن اوشبو اوچاقده اونلب کیشی بارلیگی بیلدیریلدی