آسترالیا پوتین بیلن بیر قطارده یوزلب روس گه چیکلاو عملی قیلماقده

آسترالیا تشقی ایشلر وزیری ماریس پین روس بایلرگه عملی قیلگن چیکلاو رویخطی گه ینه 67 کیشینی کیریتیلگن لیگینی ایتدی.

پین تشقی ایشلر وزیرلیگی نینگ رسمی انترنیت سایتی آرقه لی یازمه بیانات ترقه تدی.

"آسترالیا حکومتی روسیه نینگ اوکراین نی هیچ بیر سبب بولمه گن حالده ناقانونی روشده اشغال قیلیشی گه حصه لری بولگن لیگی باعث ینه 67 نفرگه مالی و سیاحت چیکلاولری عملی قیلیش قرارینی قبول قیلیب آلدی" دیب ایتدی.

پین "بو چیکلاولر بیلن روسیه تامانیدن بوچه و کیف نینگ تیگره گیده گی ایریم منطقه لرده قول اورگن اوروش جرملری بیلن تیگیشلی دلیللرنینگ یوزه گه  چیقریلیشینی طلب ایتماقده و آوسترالیا بو دهشت نی قتّیق قاره له یدی" دیدی.

آسترالیا 24 فبروریده روسیه – اوکراین اورته سیده گی اوروش باشله شی آرتیدن روسیه دولت باشلیغی ویلادیمیرپوتین و بلاروس جمهور باشلیغی الکسندر لوکاسینکونینگ عایله لری قاله ویرسه ایککی اولکه نینگ ایریم ییتکچلری و روس بایلر بیلن بیر قطارده 600 اطرافیده انسانگه چیکلاو عملی قیلماقده.