اوکراین ده روسیه نینگ هجوملری عاقبتیده اونلب باله هلاک بولگن

اوکراین ده روسیه نینگ هجوم لری عاقبتیده 167 باله نینگ اولگن لیگی و 279 باله نینگ ایسه یره لنگن لیگی بیلدیریلدی. 

اوکراین باش قاره لاوچیلیگی تامانیدن بیریلگن بیاناتده, روس اردوسی نینگ بمباردمانی نتیجه سیده 927 تعلیمی موسسه نینگ خساره مند بولگن لیگی, بولردن 83 ته سی نینگ ایسه بوتونله ی ویران بولگن لیگی معلوم قیلیندی. 

بیاناتده, روسیه نینگ هجوم لری عاقبتیده 24- فبروری دن بوگون گه قدر 167 باله نینگ حیاتی نی یوقاتگن لیگی و 279 باله نینگ ایسه یره لنگن لیگی بیلدیریلدی. 

باشقه بیر تاماندن ایسه, اوکراین باش وزیر اورینباسری ایرینا ویریشچوک, اوروش منطقه لریدن توناون 3 مینگ 800 دن آرتیق کیشی نینگ آلیب چیقاریلگن لیگی نی معلوم قیلدی. 

ویریشچوک, اجتماعی ترماق آرقه لی بیرگن بیاناتیده, "(توناون) 3 مینگ 846 کیشی آلیب چیقاریلدی.  خوددی شوو کون نینگ اوزیده 2 مینگ 216 کیشی شخصی موتر لر بیلن ماریوپول- بردیانسک دهلیز لری آرقه لی زاپوریژیا گه ییتیب باردی.  بولر دن 1496 نفری ماریوپول شهریدن کیلدی.  720 کیشی ایسه پولوهی, واسیلیوکا, بردیانسک و ملیتوپول شهر لریدن زاپوریژیا گه ییتیب کیلدی" دییه قید ایتدی. 

ویریشچوک, اوکراین نینگ لوهانسک منطقه سی نینگ بعضی شهر لری دن بیر مینگ دن آرتیق کیشی موتر بیلن آلیب چیقاریلگن لیگی نی بیلدیردی. 

روس اردوسی نینگ اوکراین ده گی فعالیت لری باره سیده هم معلومات بیرگن ویریشچوک, "آلینگن دستلبکی معلومات لر گه کوره, اوکراین ده کمیده 26 مینگ متر مربع لیک مسکونی نقطه, 533 تعلیمی موسسه, 196 ساغلیق نی سقلش مرکزی, 300 باله لر باغچه سی, 8 هوا قونلغه سی, 10 حربی هوا قونلغه سی, 129 فابریکه و شرکت, 22 مینگ دن آرتیق کیلومتر یول و 226 کوپریک خساره مند بولدی یاکه بوتونله ی ویران بولدی" دییه قید ایتدی. 

ویریشچوک, اوروش نینگ اولکه سی گه ییتکزگن مالی ضرر باره سیده هم معلومات بیردی. 

ایرینا ویریشچوک, "بو رقم 68 میلیارد دالر دن عبارت.  اولکه اقتصادی نینگ دوچ کیلیب قالگن غیرمستقیم ضرری ایسه 600 میلیارد دالر.  افسوس که بو رقم کونساین آرتیب کیته دی" دییه قید ایتدی. 

ویریشچوک, روسیه نینگ اوشبو ضرر لر نی توله شی کیره ک ایکن لیگی نی بیلدیردی. 

روسیه اردوسی 24- فبروری ده اوکراین گه هجوم قیله باشله دی.