اوکراین ده کمیده بیر مینگ تورت یوز اوتیز نفر تینچ اهالی حیاتینی یوقاتدی

روسیه بیلن اوکراین اورته سیده نتیجه سیده اوکراین ده کمیده 1430 نفر تینچ اهالی حیاتی نی یوقاترایکن, 2 مینگ 97 کیشی یره لندی.

اوروش آرتیدن 4 میلیون 215 مینگ 47 کیشی ایسه باش پنه سوره ب قوشنی اولکه لر گه کیتدی. 

بیرلشگن ملتلر تشکیلاتی قاچقین لر بوییچه کمیشنرلیگی تامانیدن بیریلگن بیاناتده, اوکراین لیک مهاجر لر حقیده معلومات بیریلدی. 

بیاناتده, 24- فبروری دن 3- اپریل گه قدر 4 میلیون 215 مینگ 47 نفر اوکراین لیک نینگ قوشنی اولکه لر گه اوتگن لیگی معلوم قیلیندی. 

خوددی شوو کیشی لرنینگ یریمی دن کوپراغی نینگ پولند گه کیتگن لیگی بیلدیریلدی. 

اوکراین لیک لرنینگ اینگ کوپ پولند (2 میلیون 451 مینگ 342), رومانیا (643 مینگ 58), مالدوا (394 مینگ 740), هنگری (390 مینگ 302) و سلواکیا (301 مینگ 405) گه کیتگن لیگی بیلدیریلگن بیاناتده, دونیتسک و لوهانسک منطقه لریدن هم فبروری آیی نینگ 21- و 23- کون لری آره سیده 113 مینگ کیشی نینگ روسیه گه اوتگن لیگی معلوم قیلیندی. 

اوکراین دن قوشنی اولکه لر گه اوتگن یوز مینگلب اوکراین لیک نینگ بو ییردن باشقه اوروپا اولکه لری گه اوتگن لیگی بیلینماقده. 

بیرلشگن ملت لر تشکیلاتی گه باغلیق کوچ تشکیلاتی هم اوکراین ایچیده 6,5 میلیون نفر تینچ اهالی نینگ مهاجر بولگن لیگی نی بیلدیرگن ایدی.