روسیه نینگ اوکراین ده گی هجوم لری دوام ایتماقده

روسیه مدافعه وزیرلیگی سوزچیسی ایگور کوناشنکوف, روس اردوسی نینگ اوکراین ده گی فعالیت لری حقیده بیانات بیردی.

سوزچی, روس اردوسی نینگ اوکراین نینگ حربی مرکز لری گه قره تیلگن هجوم لری نینگ دوام ایتیاتگن لیگی نی بیلدیردی. 

کوناشنکوف, "هوا دن حساس راکت لر بیلن میکولایف منطقه سیده کونستانتینوفکه, ریونه منطقه سیده سلاوته و ترنوپول ده یاقیلغی دیپو لری اوریلدی.  بو دیپولردن میکولایف و دونتسک استقامت لریده اوکراین حربی لری گه یاقیلغی انتقال ایتتیریلماقده ایدی" دییه قید ایتدی. 

بالوونوی حربی مرکزی و میکولایف شهری یقین لریده گی هجوم لرده ایسه هوا واسطه لری پارکی و یاقیلغی دیپو لری نینگ اوریلگن لیگی نی بیلدیرگن کوناشنکوف, کیف منطقه سیده گی واسیلکیف حربی مرکزی گه قره تیلگن هجومده اوکراین هوا کوچ لری نینگ هوا مدافعه هشدار و کنترول مرکزی نینگ تاثیرسیز وضعیت گه کیتیریلگن لیگی نی معلوم قیلدی. 

کوناشنکوف, "حاضرگی کون گه قدر اوکراین اردوسی نینگ 386 اوچووچیسز اوچاغی, 224 هوا مدافعه تیزیمی, 1918 تانک و زرهی واسطه سی, 209 راکتی, 814 توپی, 1789 حربی واسطه سی یوق قیلیندی" دییه قید ایتدی.