روسیه: اوکراین ده فُسفر بمبی دن فایده لنمه دیک
اوشبو توغریده کرملین سوزچیسی دیمتیری پسکوف بیانات بیردی
روسیه جمهوررئیس لیک قصری (کرملین) سوزچیسی دیمیتری پسکوف, اولکه سی نینگ فسفر بمبی و کیمیاوی سلاح دن فایده لنگن لیگی گه تیگیشلی ادعا لرنی رد ایترایکن, "هیچ قچان خلق ارا کیلیشوو لرنی اخلال قیلمه دیک" دییه قید ایتدی.
پسکوف, امریکا قوشمه ایالتلری دولت رهبری جو بایدن و باشقه امریکا لیک مسئول لر نینگ اولکه سی بیلن علاقه لی بیانات لریگه جواب قیتردی.
امریکا نینگ بیر نیچه مراتبه روسیه نینگ کیمیاوی قورال دن فایده له نیشی نینگ ممکن ایکن لیگی توغریسیده بیانات بیرگن لیگی گه دقت قره تگن پسکوف اوشبو ادعا نی, "واشنگتن نینگ اوز کیمیاوی و بیولوژیک برنامه سی دن دقت لر نی باشقه تامان گه قره تیش تکتیکی" اوله راق بهالنتیردی.
امریکا نینگ روسیه نی تجرید قیلیش بوییچه سعی و حرکت لری نینگ قسماً تاثیرلی بولگن لیگی نی معلوم قیلگن پسکوف, بایدن نینگ روسیه نینگ جی 20 دن چیقاریلیشی بوییچه طلبی توغریسیده ایسه, "دنیا امریکا قوشمه ایالتلری و اوروپا دن کوپ فرقلی" دییه قید ایتدی.
پسکوف, ناتو نینگ شرقی قناتده کوچه ییشی گه قنده ی جواب قیتریله دیگن لیگی توغریسیده روسیه جمهوررئیسی ولادیمیر پوتین گه بیر پیشنهاد تقدیم ایتیله دیگن لیگی نی معلوم قیلدی.
