لاوروف: غرب روسیه نی یوق قیلماقچی

روسیه تشقی ایش لر وزیری سرگی لاوروف, غربی اولکه لر نینگ روسیه نی یوق قیلماقچی ایکن لیگی نی بیلدیررایکن, "(غربلیک لر) بیر یقه دن باش چیقاریب روسیه گه قرشی هایبرید اوروش اعلان ایتدی" دییه قید ایتدی. 

لاورف, مسکوده بیرگن بیاناتیده, اوروپالیک سیاستچی لرنینگ, "هیتلر دوری ده گی آلمانده" استفاده ایتیلگن "بیرگه لیکده اوروش" اصطلاحی نی روسیه گه قرشی فایده لنگن لیگی نی بیلدیردی.

لاوروف, "(غربلیک لر) روسیه گه قرشی بیرگه لیکده, هایبرید بیر اوروش اعلان ایتدی. هدف لری مخفی ایمس, روسیه نینگ اقتصادی و روسیه نی بوتونله ی یوق قیلیش و بوغیب تشلش نی خواهلیاتگن لیک لری نی انیق اعلان قیلدی لر" دییه قید ایتدی. 

روسیه نینگ تجرید ایتیلیشی نینگ ممکن ایمس لیگی نی معلوم قیلگن لاوروف, اوز سوز لری نی "دنیا نینگ هر تامانیده کوپلب دوستی میز, متفقی میز و همکاری میز بار" شکلیده دوام ایتتیردی. 

لاوروف, غربلیک لرنینگ, بیرلشگن ملتلر تشکیلاتی قرار لری گه تاثیر قالدیریش اوچون پروپاگند قیلیاتگن لیگی نی بیلدیررایکن, "غرب تشقریسیده گی دنیا نینگ کوپلب اولکه لری نینگ اکثریتی, بیر تامانلمه اوین گه قوشیلیش نی خواهله مه یدی.  قتتیق باسیم آسیتده لر" دییه قید ایتدی. 

اوکراین رهبریتی نینگ هسته ای قورال ایگه سی بولیش آرزوسی سببلی خواطرده ایکن لیگی نی معلوم قیلگن لاوروف, اوز سوز لری نی, "عینی دمده, پنتاگون نینگ اوکراین ده گی حربی- بیولوژیک پروگرامی نی تطبیق ایتیش اوچون کمیده اوتیز آلتی لابراتور قوریشی بوییچه هم خواطرده میز" شکلیده دوام ایتتیردی.