تورکیه تشقی ایش لر وزیری امریکا لیک و آذربایجان کسبداش لری بیلن سوزله شدی
اوشبو صحبت لر تلفن آرقه لی بولیب اوتدی
تورکیه جمهوریتی تشقی ایش لر وزیری مولود چاووش اوغلی, آذربایجان لیک و امریکا لیک کسبداش لری جیحون بیره موف و آنتونی بلینکن بیلن سوزله شدی.
تورکیه تشقی ایش لر وزیرلیگی تامانیدن بیریلگن بیاناتده, چاووش اوغلی بیلن بیره موف اورته سیده بولیب اوتگن صحبتده, اوکراین ده گی سونگّی ینگیلیکلر و انسان لرنینگ اولکه دن چیقیشی باره سیده بحث ایتیلگن لیگی بیلدیریلدی.
چاووش اوغلی نینگ, امریکا قوشمه ایالتلری تشقی ایش لر وزیری آنتونی بلینکن بیلن بولیب اوتگن صحبتیده ایسه, اوکراین ده گی سونگّی ینگیلیک لر و امریکا بیلن تورکیه اورته سیده گی مناسبت لر باره سیده سوز یوریتیلدی.
اوشبو صحبت حقیده امریکا قوشمه ایالتلری تشقی ایش لر وزیرلیگی تامانیدن هم بیانات بیریلدی.
بیاناتده, "بلینکن, امریکا نینگ اوکراین خلقی بیلن بولگن همکارلیگی و عینی دمده پوتین دن حساب سوره ش توغریسیده گی سعی و حرکت لری باره سیده معلومات بیردی. بلینکن, اوکراین نینگ حاکمیتی و ارضی تمامیتی نی طلب ایتیشی دن تشقری, ضرورت بولگنده اوکراین گه یاردم بیریش بوییچه هم سعی و حرکت لری باعث تورکیه گه منتدارچیلیک بیلدردی" دییه قید ایتیلدی.
