اردوغان پوتین بیلن سوزله شدی
اوشبو صحبت تلفن آرقه لی بولیب اوتدی
تورکیه جمهوریتی جمهوررئیسی رجب طیب اردوغان, تلفن آرقه لی, روسیه جمهوررئیسی ولادیمیر پوتین بیلن سوزله شدی.
تورکیه جمهوررئیسلیک ارتباط لر ریاستی تامانیدن بیریلگن بیاناتده, صحبتده, روسیه- اوکراین اوروشی بوییچه سونگّی ینگیلیک لر و ساحه ده گی وضعیت باره سیده بحث ایتیلگن لیگی بیلدیریلدی.
اردوغان, تورکیه نینگ بیرینچی کوندن بیری روسیه بیلن اوکراین اورته سیده تینچلیک نینگ اورنه تیلیشی اوچون صمیمی بیر شکلده سعی و حرکت قیلیب کیلیاتگن لیگی نی بیلدیردی.
قالووچی بیر آتشکیسین نینگ تامین ایتیلیشی تقدیرده, اوزاق مدتلی ییچیم یولی نینگ آچیله دیگن لیگی نی بیلدیرگن اردوغان, روسیه بیلن اوکراین اورته سیده گی مذاکره لرنینگ مثبت نتیجه بیریشی نی کونگیلدن آرزو قیلیاتگن لیگی نی معلوم قیلدی.
جمهوررئیس اردوغان, بعضی موضوع لر بوییچه کیلیشیب آلیش اوچون رهبر لرنینگ اوچره شیشی کیره ک بولیشی نینگ ممکن ایکن لیگی نی معلوم قیلرایکن, روسیه جمهوررئیسی ولادیمیر پوتین بیلن اوکراین جمهوررئیسی ولادیمیر زلنسکی نی استانبول یاکه انقره ده مهمان قیلیش گه تیار ایکن لیک لری نی ینه بار ایسله تیب اوتدی.
اوروش نینگ هیچ بیر تامان گه فایده سی بولمه یدیگن لیگی و دیپلماسی گه فرصت بیریلیشی کیره ک ایکن لیگی نی بیلدیرگن اردوغان, ساحه ده گی بشری وضعیت نینگ کوزه تیلیشی و انسان لرنینگ چیقیشی اوچون یول لرنینگ ایکّی تامانلمه اوله راق موثر و معما سیز بیر شکلده باشقریلیشی نینگ ضروری ایکن لیگی نی معلوم قیلدی.
