پوتین نفتالی بنت و نارندرا مودی بیلن سوزله شدی

روسیه جمهوررئیسی ولادیمیر پوتین, اسرائیل باش وزیری نفتالی بنت و هندوستان باش وزیری نارندرا مودی بیلن سوزله شدی. 

کرملین تامانیدن بیریلگن بیاناتده, تلفن آرقه لی بولیب اوتگن اوشبو صحبتلرده, "روسیه نینگ دونباس نی مدافعه ایتیش اوچون آلیب باریاتگن خاص حربی عملیاتی" باره سیده سوز یوریتیلگن لیگی بیلدیریلدی. 

پوتین نینگ, بنت بیلن بولیب اوتگن صحبتیده, روسیه نینگ اوکراین بوییچه موقفی نی توشینتریب بیرگن لیگی بیلدیریلگن بیاناتده, "پوتین, روسیه نینگ خوفسیزلیک منفعت لری نینگ شرطسیز بیر شکلده قبول قیلینیشی, اوکراین دولتی نینگ میلیتاریزم و نازیزم دن تصفیه ایتیلیشی, اوکراین نینگ طرفسیز و هسته ای کوچی بولمه گن موقف گه ایگه بولیشی, روسیه نینگ قیریم ده گی حاکمیتی و (سوزده) دونتسک و لوهانسک خلق جمهوریت لری نینگ مستقل لیگی نینگ تن آلینیشی خصوصیده گی سیاستی نی خلاصه قیلدی" دییه قید ایتیلدی. 

مودی بیلن بولیب اوتگن صحبتده ایسه, اوکراین ده گی هندوستان وطنداش لری نینگ چیقاریلیشی بوییچه بحث ایتیلگن لیگی بیلدیریلدی. 

اوکراین ده گی هندوستان وطنداش لری نینگ اوروش منطقه لریدن چیقاریلیب اوز یورت لری گه یوباریلیش لری بوییچه روس اردوسی گه بویروق بیریلگن لیگی نی بیلدیرگن پوتین, اوز سوز لری نی, "سونگگی معلومات لر گه کوره بو اوقووچی لر اولردن جانلی قالقان اوله راق استفاده ایتیاتگن و قوللری دن کیلگنی چه روس حدود لری گه کیتیش لری گه مانع بولیاتگن اوکراین خوفسیزلیک کوچ لری تامانیدن آلیب قوییلگن وضعیتده لر. بونده ی بیر وضعیتده مسئولیت بوتونله ی کیف رهبریتیده" شکلیده دوام ایتتیردی.