تورکیه: روسیه نینگ دونتسک و لوهانسک توغریسیده گی قراری نی قبول قیلمه یمیز

تورکیه, روسیه نینگ سوزده دونتسک و لوهانسک جمهوریت لری نی تن آلیشی بیلن علاقه لی قراری نی قبول قیلیش نینگ ممکن ایمس لیگی نی بیلدیردی. 

تورکیه جمهوریتی تشقی ایش لر وزیرلیگی تامانیدن بیریلگن بیاناتده, اوشبو قرار نینگ, منسک کیلیشووی گه ضد ایکن لیگی کبی, اوکراین نینگ سیاسی بیرلیگی, حاکمیتی و ارضی تمامیتی نینگ هم اخلالی دن عبارت ایکن لیگی معلوم قیلیندی. 

بیاناتده, "روسیه نینگ اوشبو قراری نی قبول قیلیب بولمس دیب رد ایته میز.  اوشبو دایره ده ینه بیر بار اوکراین نینگ سیاسی بیرلیگی و توپراق بوتونلیگی گه طرفدار ایکن لیگی میز نی بیلدیررایکن, تامان لرنی یخشی نیت بولیب خلق ارا حقوققه اویغون حرکت قیلیش گه چقیره میز" دییه قید ایتیلدی. 

عینی دمده تشقی ایش لر وزیرلیگی, سونگگی پیتلرده گی ینگی لیک لر دایره سیده تورک وطنداش لری نینگ اوکراین نینگ شرقی منطقه لریدن چیقیش لری نی جدی بیر شکلده توصیه ایتدی.

روسیه جمهوررئیسی ولادیمیر پوتین, توناون آقشام, سوزده "دونتسک خلق جمهوریتی و لوهانسک خلق جمهوریتی نینگ مستقل لیگی نینگ" تن آلینیشی بوییچه فرمان نی امضاله دی.