اسرائیل نینگ سوریه گه هجوم قیلگنی ادعا ایتیلدی

اسرائیل نینگ, سوریه پایتختی دمشق ده گی بعضی حربی مرکز لرگه راکت هجومی اویوشتیرگن لیگی ادعا ایتیلدی. 

بشار الاسد تیزیمی نینگ خبر آژانسی SANA, اسرائیل نینگ محلی وقت بیلن ساعت 23.35 ده دمشق نینگ جنوبی ده گی ذکیه منطقه سی تیگره گیده رژیم کوچ لری گه عاید بعضی حربی مرکز لر گه راکت هجومی اویوشتیرگن لیگی نی ادعا ایتدی. 

خبرده, "اشغال آستیده گی جولان تپه لریدن آتیلگن راکت لر ماده خساره گه سبب بولدی" دییه قید ایتیلدی. 

دمشق و تیگره گیده, رژیم اردوسی دن تشقری ایران حمایه سیده گی چیت ایللیک ترورچی گروه لر و حزب الله گه عاید حربی مرکز لر هم اورین آلماقده. 

باشقه بیر تاماندن ایسه اسرائیل اردوسی, 9- فبروریده رژیم کوچ لری نینگ راکت آتگن لیگی گه جواب قیتریش اوچون رژیم حربی لری نینگ موجود بولگن نقطه لرنینگ اوریلگن لیگی نی بیلدیرگن ایدی. بشار الاسد رژیمی ایسه اسرائیل نینگ اوشبو هجومی عاقبتیده بیر عسکر نینگ اولگن لیگی و 5 حربی نینگ یره لنگن لیگی نی ادعا ایتگن ایدی. 

اسرائیل, ایچکی اوروش نینگ باشله گن میلادی 2011- ییلدن بیری سوریه ده ایریم پیت لرده ایران حمایه سیده گی گروه لر و رژیم گه عاید حربی مرکز لر گه هجوم قیلیب کیلماقده.