تورکیه بیلن بیرلشگن عرب امیرلیک لری اورته سیده کوپلب کیلیشوو امضالندی

تورکیه جمهوریتی جمهوررئیسی رجب طیب اردوغان, ابوظبی ولیعهد شهزاده سی محمد بن زاید آل نهیان نینگ دعوتی گه بناً ایککی کونلیک رسمی بیر سفر بیلن بیرلشگن عرب امیرلیک لری گه تشریف بویوردی. 

جمهوررئیس اردوغان, خلق ارا ابوظبی هوا قونلغه سیده ابوظبی فدرال وزیری ثانی بن احمد الزیودی, تورکیه نینگ ابوظبی ایلچیسی توغای تونچ ار و دبی باش قونسلی مصطفی ایلکر قلیچ تامانیدن کوتیب آلیندی. 

جمهوررئیس اردوغان دولت رهبرلیگی قصری قصر الوطن ده ولیعهد شهزاده آل نهیان تامانیدن رسمی مراسم بیلن کوتیب آلیندی.

اردوغان بیلن آل نهیان یککه مه یککه اوچره شدی. هیئت لر ارا اوچره شوو آرتیدن ایسه تورکیه بیلن بیرلشگن عرب امیرلیک لری اورته سیده کیلیشوو لر امضالندی. 

تورکیه جمهوریتی و بیرلشگن عرب امیرلیک لری حکومتی اورته سیده مدافعه صنایع سی, ساغلیق نی سقلش, اقلیم اوزگریشی, صنایع, تکنالوژی, فرهنگ, زراعت, تجارت, اقتصاد, ترانسپورت, یاش لر, آفت لرنی باشقریش, هواشناسلیک, ارتباط لر و آرشیف ساحه لری بوییچه 13 کیلیشوو امضالنگن لیگی بیلدیریلدی. 

جمهوررئیس اردوغان نینگ اوچره شوو لریده تورکیه بیلن بیرلشگن عرب امیرلیک لری اورته سیده گی همکارلیک نی کوچه یتیریش دن تشقری, تینچلیک و برقرارلیک نینگ تامین ایتیلیشی دایره سیده منطقه و خلق ارا مقیاسده گی ینگی لیک لر باره سیده هم بحث ایتیلیشی کوتیلماقده. 

 ایکله اولکه اورته سیده گی مناسبت لرنی کوچه یتیره دیگن کیلیشوو لرنینگ هم امضاله نه دیگن اوشبو سفر دایره سیده عینی دمده جمهوررئیس اردوغان, دنیا کورگزمه سی اکسپو 2020 دبی گه باریب, تورکیه ملی کونی دیب بیلدیریلگن 15- فبروریده تورکیه کورگزمه ساحه سی نی کوریب چیقه دی.