طالبان هیئتی نینگ نارویده گی اوچره شوولرگه قتنشیشیدن خبر بیریلدی

افغانستان نینگ باشقروویده بولگن طالبان هیئتی نینگ کیلگوسی هفته ناروی نینگ پایتختی اوسلوده بولیب اوته دیگن اوچره شوولرده اورین آله جگی بیلدیریلدی.

ناروی تشقی ایشلر وزیرلیگی تامانیدن بیریلگن بیاناتده طالبان نماینده لری نینگ 23-25 جنوری تاریخلری اوچون اوسلوگه دعوت ایتیلگن لیگی معلوم قیلیندی.

طالبان هیئتی نینگ ناروی حکومتی تامانیدن آلیب باریله یاتگن بعضی بیر متفق اولکه و نادولت تشکیلاتلری نماینده لری اوچره شووی اوچون ناروی گه کیله جگی افاده ایتلگن بیاناتده اوشبو جلسه لرگه قیسی اولکه لرنینگ قتنه شیشی حقیده معلومات بیریلمه دی.  

ناروی تشقی ایشلر وزیری آنیکن هویتفلد، افغانستانده گی بشری بحران بیلن تیگیشلی قیغولرینی تیلگه آلگن حالده سونگگی پیتلرده یوز بیرگنلرنی «میلیونلب انسانگه سلبی تاثیر قالدیرگن تام اولچکلی بشری فلاکت» دیب اته دی.

آنیکن هویتفلد اوشبو اوچره شوولرنینگ طالبان نی مشروعلشتیریلیشی ویا رسمی روشده تن آلینیشی ایمس ایکن لیگینی شونده ی بولیب اولکه نینگ حاضرگی دورده گی باشقرووچیلری بیلن اوچره شیش گه مجبور ایکن لیکلرینی تیلگه آلدی.

آنیکن هویتفلد سیاسی وضعیت نینگ بحراننی تاباره کوپه یتیریب بشری فلاکت گه سبب بولیشی گه رخصت بیرمسلیکلرینی تاکییدله دی.