بنگلدیشده قاچقینلر کمپیده یانغین یوز بیردی

بنگلدیشده گی روهینگیالیک (اراکان) قاچقینلرقاله یاتگن کاکس بازارده گی کتوپالونگ کمپیده یوز بیرگن یانغینده 29 ته چادر یانیب کیتدی.

خوفسیزلیک مسؤلی محمد نعیم الحق؛

"کمپده (محلی وقت بیلن ایرته لب) ساعت 5 ده باشله گن یانغین نینگ آرتیدن پولیک کوچلری بیلن اطفائیه کیلیب یانغین نی بیر ساعت ایچیده اوچیریش گه موفق بولدی. یانغین حادثه سیده یره لنمه و تلفات یوز بیرمه دی، شونده ی بولیب 29 ته چادر بوتونله ی یانیب کیتدی. یانغین نینگ سببی حلی گچه انیقلنمه دی" دیدی.

حادثه یوز بیرگن منطقه ده بیر سوو منبعی بولگن لیگی اوچون چانسلی ایکن لیکلرینی تیلگه آلگن نعیم الحق شولرنی ایتدی:

"عکسی حالده یانغین، سونگگی پیتلرده شاهد بولگن و کاکس بازار کمپیده مینگلب کیشینی باش پناهسیز قیلگن یانغین کبی ویران قیلووچی بولردی" دیب گپیردی.

نعیم الحق قاچقین کمپلریده تیز تیز یوز بیرگن یانغینلر حقیده تیرگاو آلیب بارگن لیکلرینی معلوم قیلدی.

بنگلدیشده کاکس بازارده گی کمپده 22 مارچده یوز بیرگن یانغینده 15 مینگ اطرافیده باش پناه یانیب کیتگندی. حادثه ده کمیده 28 کیشی حیاتینی یوقاتگندی و 40 دن آرتیق کیشی یره لنگندی.