قزاقستانده حکومت استعفا ایتدی

قزاقستان ده باش وزیر عسکر مامن باشچی لیگیده گی حکومت اوشبو اولکه ده سویوتیلگن گاز (LPG) نرخی نینگ آشیب کیتگن لیگی باعث باشله گن ناراضی چیلیک نمایش لری سببلی استعفا ایتدی. 

جمهوررئیس قاسم توکایف, بوگون ایرته لب حکومت نینگ استعفاسی نی قبول قیلدی. 

جمهوررئیسلیک تامانیدن بیریلگن بیاناتده, آلدین باش وزیر اورینباسری بولگن علی خان اسماعیلوف نینگ اوتکینچی روشده باش وزیرلیک وظیفه سی نی آلیب باره دیگن لیگی معلوم قیلیندی. 

ناراضیچیلیک نمایش لری سببلی آلماتا بیلن مانگیستاو ده فوق العاده حالت اعلان قیلینگن ایدی. 

قزاقستانده حکومت نینگ استعفاسی گه سبب بولگن اوشبو ناراضی چیلیک نمایش لری بیر لیتر LPG نینگ 60 تنگه دن 120 تنگه گه کوتریلگن لیگی باعث باشلب کیتگن ایدی. 

قوریلگن خاص حکومت کمیسیونی, نمایشچی لر بیلن مذاکره قیلیب, بیر لیتر LPG نرخی نینگ 50 تنگه گه (0,11 دالر) توشیریلگن لیگی نی بیلدیرگن ایدی. 

بونگه قره می نمایشچی لر موجود تیزیم نی تنقید قیلیب خلق نینگ اجتماعی- اقتصادی وضعیتی نینگ یخشی لشتیریلیشی بوییچه بعضی طلب لرنی مطرح قیلگن ایدی.