اوروپا بیرلیگی روسیه گه قرشی فرقلی سناریولر اویله ماقده

اوروپا بیرلیگی نینگ تشقی علاقه لر و خوفسیزلیک سیاستی بوییچه عالی نماینده سی جوزپ بورل, روسیه نینگ اوکراین گه قره تیلگن فعالیت لری گه قرشی فرقلی سناریو لر توغریسیده تیارگرلیک اوتکزیاتگن لیک لری نی بیلدیردی. 

فرانسه ده, اوروپا پارلمانی عمومی کینگشیده, روسیه نینگ اوکراین چیگره سی گه حربی جایلشتیریاتگن لیگی توغریسیده بیر ییغیلیش بولیب اوتدی. 

اوشبو ییغیلیشده بورل, اوروپا پارلمانی وکیل لری گه قره ته معروضه قیلدی. 

بورل, اوتگن ییلدن بیری روسیه نینگ اوکراین چیگره سی گه حربی جایلشتیریب کیلیاتگن لیگی نی بیلدیررایکن, اوشبو توغریده اوروپا بیرلیگی نینگ خواطرده ایکن لیگی و اوکراین نی قوللب- قوتلش گه دوام ایته دیگن لیگی نی معلوم قیلدی. 

روسیه نینگ ایسه اوشبو وضعیت نینگ اوز چیگره لریده گی کونده لیک فعالیت دن ایکن لیگی نی بیلدیریاتگن لیگی نی معلوم قیلگن بورل, خوددی شونده ی اوروپا بیرلیگی نینگ تحریم گه قرار قیلگن واگنر گروپی نینگ هم روسیه گه کوره خصوصی بیر خوفسیزلیک شرکتی دن عبارت ایکن لیگی نی معلوم قیلدی. 

بورل, اوروپا بیرلیگی نینگ حاضرگی کونده "بحران نی ییچیش سیاستی" گه ایگه ایکن لیگی نی معلوم قیلرایکن, "فرقلی سناریو لر اویلماقده میز" دییه قید ایتدی. 

اوروپا پارلمانیده ایرته گه روسیه نینگ اوکراین چیگره سیده گی اوشبو فعالیت لری بیلن علاقه لی قرار لایحه سی بوییچه بیر ییغیلیش بولیب اوتیشی کوتیلماقده.