اکوادورده بیر قماقخانه ده یوز بیرگن توقنه شووده اونلب کیشی اولیب یره لندی

جنوبی امریکا اولکه سی اکوادورده قماقخانه ده ایککی توده جنگریلری اورته سیده یوز بیرگن توقنه شووده 24 نفر اولدی 48 نفر یره لندی.

گویاقوئیل شهریده لیتورال قماقخانه سیده گی ییتکچیلر ایتیشیچه ایککی توده جنگریلری اورته سیده رهبرلیک کوره شی باعث یوز بیرگن توقنه شوولرده 5 نفر محوم نینگ باشی کیسیلیب، ایریملری کیسووچی اسبابلر بیلن اولدیریلگن.

دستلبکی معلوماتگه کوره 24 کیشی اولگن لیگی 48 کیشی نینگ یره لنگن لیگی بیلدیریلگن خوددی شو حادثه لرنی کنترول آستیگه آلیش اوچون انچه پولیس و عسکرنینگ قماقخانه گه بارگن لیگی معلوم قیلیندی.

منطقه مسکونیلر تامانیدن اجتماعی ترماق آرقه لی نشر قیلگن ویدیولرده محکوملرنینگ قماقخانه نینگ اوستی گه چیققن لیگی و قماقخانه دن قورال و پارتلش سیسلری کیلگن لیگی ایشیتیلدی.

محلی مطبوعاتده اورین آلگن خبرلرده توقنه شوونینگ لوس لوبوس و تیگوایرونیس توده لری منسوبلری بولمیش 8 و 9 نمبر اتاقلرده یوز بیرگن لیگی بیلدیریلماقده.

اولکه ده 23 جولایده ایککی ایریم قماقخانه ده محکوملر اورته سیده یوز بیرگن قوزغالانده 21 کیشی اولیب 35 کیشی یره لنگندی.