طالبان بیرلشگن ملتلر تشکیلاتی گه یازگن مکتوب بیلن طلبینی ییتکیزدی
مذکور مکتوبده طالبان نینگ بیرلشگن ملتلر تشکیلاتی دایمی نماینده سی نینگ آتی هم کیریتیلگن
افغانستانده اوتگن آی باشقروونی قولگه کیریتیب آلگن طالبان بیرلشگن ملتلر تشکیلاتی گه یازگن مکتوب بیلن نیویورکده دوام ایتیب تورگن 76- عمومی کینگشی گه قتنشیش طلبینی ییتکیزدی.
بیرلشگن ملتلر تشکیلاتیده افغانستاندن کیم نینگ نماینده لیک قیله جگی تارتیشووی دوام ایترکن طالبان بیرلشگن ملتلر تشکیلاتی باش منشی لیگی گه یازگن مکتوب بیلن تشکیلاتده سابق حکومت نینگ ایمس اوزلری نینگ نماینده لیک قیلیشلری کیره ک لیگینی بیلدیردی.
طالبان موقتی حکومت نینگ تشقی ایشلر وزیری اورینباسری امیرخان متقی نینگ امضاسی بیلن یازیلگن مکتوبده بیرلشگن ملتلر تشکیلاتی - عمومی کینگش جلسه سیگه قتنشیش نی طلب ایتدی.
متقی مکتوبده افغانستان نینگ بیرلشگن ملتلر تشکیلاتی دایمی نماینده لیگی گه ایسه سوزچیلریدن سهیل شاهین نی کاندید بیردی.
اولکه لر، بیرلشگن ملتلر تشکیلاتی بویوک ایلچیسی کاندیدلری نینگ آتینی تشکیلاتگه جونتگندن کیین بولر بیرلشگن ملتلر تشکیلاتی عمومی کینگشی نینگ اکریدیشن کمیته سی تامانیدن قبول بولیب تصدیقلنه دی.
افغانستاندن شو وقت سابق حکومت نینگ بیرلشگن ملتلر تشکیلاتی نماینده سی غلام اسحاقزی وظیفه آلیب بارماقده.
علاقه لی ینگی لیکلر
امریکا قوشمه ایالتلریده کوچلی طوفان یوزبیردی
اوشبو طوفان عاقبتیده مینگلب اوی - جای نینگ برقی نینگ کیسیلیب قالگن لیگی بیلدیریلدی