طالبان آلمان باش وزیری مرکل نی افغانستان گه چقیردی

طالبان نینگ آلمان بیلن کوچلی و رسمی بیر دیپلوماتیک مناسبت قورماقچی ایکن لیکلرینی معلوم قیلیب باش وزیر آنگیلا مرکل نی افغانستان گه چقیرگن لیگی بیلدیریلدی.

آلمان بیلد گزیته سی "طالبان سوزچیسی ذبیح الله مجاهد، باش وزیرنی کابل گه دعوت ایتدی" عنوانی بیلن بیر مصاحبه نشر قیلگن.

اوشبو مصاحبه ده مجاهد شولرنی ایتگن:

"آلمان نینگ افغانستان بیلن تاریخی و یخشی مناسبتی بار. آلمان بیلن کوچلی و رسمی دیپلوماتیک مناسبت خواهله یمیز" دیب افاده ایتدی.

ذبیح الله مجاهد آلمان حکومتی نینگ ینگی حکومت (طالبان حکومتی) بیلن ممکن بولگن اینگ یخشی دیپلوماتیک مناسبت گه ایگه بولیشینی خواهله گن لیکلرینی اورغوله دی.

مجاهد آلمان بیلن یخشی دیپلوماتیک مناسبت قاله ویرسه برلیندن ساغلیقنی سقلش، زیربنا و تعلیم ساحه لریده مالی همکارلیک انسانی یاردم کوتگن لیکلرینی معلوم قیلیب،

"آلمان حکومتی نینگ حقیقتن بیزگه یاردم کورستجگی گه ایشانه میز" دیب ایتدی.

"بیلد خبرچیسی نینگ "آلمان باش وزیری آنگیلا مرکل نی افغانستانده قیزیق کوتیب آله سیز می؟" دیگن سوالی گه مجاهد شو جوابنی بیردی.

"اونی اولکه میزده حقیقتن ممنونیت بیلن کوتیب آله میز" دیب جواب بیردی.

آلمان، عسکری عملیات نینگ اداغگه ییتیب باریشی نینگ آرتیدن افغانستانده ایشله گن محلی پرسونل نی تخلیه قیلیش اوچون طالبان بیلن اوچره شوولرگه باشله گندی.

عین دمده آلمان حکومتی احتمالی بیر قاچقین بحرانی گه توسیق بولیش مقصدی بیلن افغانستانگه انسانی یاردم ییتکیزیب بیریش گه تیار ایکن لیگینی بیلدیرگندی.

آلمان حکومتی طالبان نینگ کابل نی قولگه کیریتیب آلیشی نینگ آرتیدن بو جایده گی بویوک ایلچیلیک نی یاپیب قویگندی. حکومت نینگ خاص نماینده سی بویوک ایلچی مارکوس پوتزیل قطرنینگ پایتختی دوحه گه جایلشیب بو جایده طالبان نینگ نماینده لری بیلن  دیپلوماتیک مناسبتلرگه دوام ایتگندی.