بوگونگی طالبان ییگیرمه ییل آلدینگی طالبان دن فرقلی می؟

ییگیرمه ییللیک اشغال آرتیدن, امریکا قوشمه ایالتلری حربی لری افغانستاندن چیقرایکن, طالبان ایسه کوتیلمه گن بیر تیزلیکده افغانستان نی قولگه کیریتدی.  امریکا قوشمه ایالتلری نینگ یوزلب میلیارد دالر مصرف قیلیب ییتیشتیریش گه حرکت قیلگن افغانستان اردوسی تقریباً هیچ اوروشمسدن ترقه لیب کیترایکن, کابلده گی حامد کرزی هوا قونلغه سیده صورت گه توشیریلگن تصویر لر ایسه امریکا قوشمه ایالت لری نینگ اشغال تاریخی بیلن انسانلیک جهتی دن اویت بیر وضعیت دن عبارت ایدی. 

امریکا قوشمه ایالت لری,  11- سپتامبر هجوم لری آرتیدن کنترول سیز بیر شکلده افغانستان نی اشغال ایترایکن, 20 ییللیک بیر مدت بیلن بو ییرده قاله دیگن لیگی و کیین ایسه اولکه نی ینه طالبان گه تاپشیریش گه مجبور بوله دیگن لیگی نی اویله مه گن ایدی. بایدن نینگ هم ایتگن لیگی دیک, امریکا قوشمه ایالتلری اوشبو مدت دوامیده مینگلب حربی بیلن بیر قطارده 3 تریلیون دالر نی هم قولدن بیریب قویدی.  اداققه ییتمه گن و اداققه ییتیشی نینگ هم ممکن ایمس دیک کورینیاتگن افغانستان ده گی اوروش گه امریکا خلقی قتتیق عکس العمل کورسه ترایکن, ترامپ دوری ده دوحه ده طالبان بیلن مذاکره قیلینیب حربی لرنینگ افغانستان نی ترک ایتیشی بوییچه تاریخ انیقلندی. اوشبو پروسه بایدن دوریده ایسه تیزلشتیریلدی.  لیکن امریکا ده هیچ کیمسه امریکالیک حربی لر افغانستان نی ترک ایتگچ طالبان نینگ بیر نیچه هفته مابینیده اولکه نی قولگه کیریتیشی و "300 مینگ" کیشی لیک امریکا قوشمه ایالت لری تامانیدن ییتیشتیریلگن افغانستان اردوسی نینگ تقریباً هیچ اوروشمسدن ترقه لیب کیته دیگن لیگی نی اویله مه گن ایدی.  حتی امریکالیک حربی لرنینگ افغانستان نی ترک ایتیش پروسه سی تکمیل بولمسدن طالبان باشقه کتته شهر لر آرتیدن کابل نی قولگه کیریتدی.  مینگلب امریکا وطنداشی کابل ده قالیب کیترایکن, امریکا چیقاریلیش لری بوییچه وعده بیریلگن مینگلب تیلماچ و باشقه ساحه لرده اولر بیلن همکارلیک قیلگن افغان نی تشلب کیتدی.  لیکن کابل هوا قونلغه سیده یوز بیرگن حادثه لر و امریکا قوشمه ایالتلری اوچاق لری گه مینیش گه حرکت قیلرایکن هیده لگن افغان لر, اوچاق نینگ تایری گه یاپیشیب اوچاقماقچی بولگن پیتده هوادن ییرگه توشگن عادی اهالی نینگ تصویری, امریکا قوشمه ایالتلری نینگ مغلوبیتی نی ینه بیر بار کورسه تیب بیردی. 

ایندی امریکا قوشمه ایالتلری طالبان بیلن کیلیشیب آلیب وطنداش لری نی کابلدن چیقاریش گه حرکت ایتماقده. طالبان ایسه ظفری نی یخشی بیر شکلده کوتیب آلگن دیک کورینماقده. آلدینگی افراطی سیاست لری نی بیر تامان گه قوییب, کینگ کولملی بیر موقف گه ایگه ایکن لیگی نی بیلدیرماقده طالبان.  هیچ بولمه سه بونده ی بیر تصویر نی انعکاس ایتتیریش گه انتیلماقده.  البته که طالبان نینگ کیلگوسیده تشله یدیگن قدم لری مهم. لیکن هیچ بولمه سه حاضرچه طالبان رهبریتی نینگ اوتمیشدن درس آلیب دنیا دن تجرید بولگن بیر افغانستان خواهله میاتگن لیک لری کورینماقده.