دنیا افغانستان ده گی وضعیت نی کوزه تماقده

طالبان نینگ کابل داخل اولکه نینگ کنترولی نی قولگه کیریتیشی امریکا قوشمه ایالتلری ده اینگ مهم موضوع لر دن بیری اوله راق بهالنتیریلماقده.

امریکا قوشمه ایالتلری دولت رهبری جو بایدن رهبریتی نینگ اوز منفعت لری میز اوچون چیقیش گه مجبور بولیب قالدیک دیگن لیگی  گه قره می, موجود وضعیت امریکا قوشمه ایالتلری ده تنقید ایتیلماقده.

اینگ مهم تنقید ایسه طالبان گه ایشانیلیب سیاست آلیب باریلیشی دن عبارت سی ان ان نینگ تنیقلی خوفسیزلیک تحلیلچی لری دن بیری بولگن پتر برگن تینچلیک پروسه سی نی تنقید ایترایکن, طالبان بیلن تینچلیک نینگ انیق بیر خیال دن عبارت ایکن لیگی نی بیلدیردی.

برگن, افغانستان ده گی وضعیت بوییچه بایدن نینگ حقلی اوله راق تنقید ایتیلیاتگن لیگی نی معلوم قیلدی.

بونده ی بحرانی بیر وضعیتده پنجشنبه کونی دن باشلب بایدن نینگ هفته نینگ سونگگی

کونلری تعطیلی گه چیقیشی و طالبان نینگ شهر لرنی بیرین- کیتین قولگه کیریتیشی گه

قره می امریکا قوشمه ایالت لری رهبریتی نینگ عکس العمل کورستمه گن لیگی تنقید گه سبب بولدی.

بایدن, جولای آییده "افغانستان نینگ 300 مینگ عسکری بار طالبان نینگ اولکه نینگ کنترولی نی قولگه کیریته دیگن لیگی نی اویله مه یمن" دیگن ایدی.

بایدن, حقیقت گه ایلنمه گن بو فکری بیلن اجتماعی ترماق آرقه لی تنقید ایتیلدی.

ینه کوپلب کیشی بایدن نینگ بیر آی آلدین بیرگن "ویتنام گه اوخشه گن بیر وضعیت نی کوتمه نگ لر" شکلیده بیاناتی نی ایسلتدی.

ویتنام و کابل ایلچیلیک لری نینگ بیر بیر لری گه اوخشش تخلیه تصویر لری نی ترقتدی.

بیر هفته آلدین امریکا قوشمه ایالتلری استخباراتی نینگ "طالبان نینگ کابل گه کیلیشی اوچون بیر نیچه آی کیره ک" شکلیده سوز لری هم امریکا قوشمه ایالتلری نینگ منطقه حقیقت لریدن اوزاق قالگن لیگی اوله راق بهالنتیریلدی