افغانستانده سونگگی بیر آیده بیر مینگدن آرتیق عادی اهالی حیاتی نی یوقاتدی

بیرلشگن ملتلر تشکیلاتی, افغان کوچ لری بیلن طالبان اورته سیده گی توقنه شوو لر سببلی عادی اهالی نینگ اوز اوی لری نی ترک ایتیب پایتخت کابل گه قاچیشی نینگ دوام ایتیاتگن لیگی نی معلوم قیلدی. 

بیرلشگن ملتلر تشکیلاتی عمومی منشی سی نینگ سوزچیسی استفان دوجاریک, "اولکه ده گی اوروش لر سببلی باشقه کتته شهرلردن کوپلب کیشی امنیت لری اوچون کابل گه کیلماقده" دییه قید ایتدی. 

جولای آیی نینگ باشیدن بیری 10 مینگ 350 گه یقین کیشی نینگ کابل گه کیلگن لیگی نی بیلدیرگن دوجاریک, کوپچیلیگی نینگ اوستی آچیق جای لرده یشیاتگن لیک لری نی معلوم قیلدی. 

دوجاریک, اوشبو مهاجرلردن تقریباً 6 مینگ 900 نفری گه غذایی مواد, سوو و تمیزلیک موادی تامین ایتیب بیریلگن لیگی نی بیلدیردی. 

بیرلشگن ملتلر تشکیلاتی گه کوره, میلادی 2021- ییل نینگ دستلبکی آلتی آییده افغانستانده بیر مینگ 659 نفر عادی اهالی حیاتی نی یوقاترایکن, سونگگی بیر آیده ایسه بیر مینگ دن آرتیق ملکی هلاک بولگن. 

افغانستان ایرکین انسان حق لری کمیسیونی, می آیی نینگ باشیدن آگست آیی گه قدر تقریباً 1 میلیون عادی اهالی نینگ مهاجر بولگن لیگی نی بیلدیردی.

بیرلشگن ملتلر تشکیلاتی, 18 میلیون افغانستانلیک نینگ یاردم گه محتاج بیر وضعیت گه کیلیب قالگن لیگی نی معلوم قیلماقده.