روسیه طالبان نینگ افغانستان نینگ شمالیده گی شهرلرنی قولگه کیریتیب آلیشیدن خواطر بیلدیردی
روسیه مدافعه وزیری موضوع بوییچه بیانات بیردی
روسیه مدافعه وزیری سرگی شویگو طالبان نینگ افغانستان نینگ اوزبیکستان و تاجکستان چیگره حدودیدینی کنترول آستیگه آلگن لیگینی بیلدیردی.
شویگو پایتخت مسکوده اویوشتیریلگن بیر پروگرامده افغانستانده گی وضعیت بوییچه بیانات بیردی.
طالبان نینگ افغانستانده یوتوق قازانیب بارگن لیگینی معلوم قیلگن شویگو شولرنی ایتدی:
"افغانستان نینگ اوزبیکستان و تاجکستان چیگره سی طالبان نینگ کنترولی گه توشدی. طالبان قندوز ولایتی نینگ کنترولینی قولگه کیریتیب آلدی. قندوز جده کتته و جدی بیر مرکز" دیدی.
افغانستاندن مخدره مواد قاچاقچیلری و تروریستلرنینگ تاجکستان، قیرغزستان و اوزبیکستان آرقه لی روسیه گه اوتیش کبی تهدیدلر موجود ایکن لیگی گه دقت قره تدی. کولیکتیف خوفسیزلیک کیلیشووی گروهی اولکه لری نینگ بونگه قرشی چاره – تدبیرلی بولیشی کیره ک لیگینی اورغوله دی.
شویگو،
"طالبان ییتکچیلری چیگره نی اوتیب منطقه لرگه هجوم اویوشتیریش کبی بونقه خطرلی تشبث گه قول اورمس لیگینی ایتسه هم تاجکستان و اوزبیکستان حربی کوچلری نینگ احتمالی حرکتلرگه چاره – تدبیرلی بولیشی بیز اوچون جده مهم دیر. البته کی بو اوچون قولیمیزدن کیلگننی قیلماقده میز" دیب گپیردی.
روسیه، تاجکستان و اوزبیکستان حربیلری نینگ افغانستان چیگره سی نینگ یقینیده مشترک حربی سینش اوتکزگن لیگی گه دقت قره تگن شویگو بو کبی حربی سینشلرنی تیز تیز اویوشتیره جکلرینی تیلگه آلدی.
شویگو روسیه نینگ تاجکستان و قیرغزستانده حربی مرکزی بولگن لیگینی ایسله تیب اوتدی.
