جاپانده طبیعی آفت عاقبتیده اونلب کیشی اولیب لادرک بولدی

جاپانده 1 آی آلدین یوز بیرگن سیل و ییر کوچکیسی عاقبتیده 22 کیشی حیاتینی یوقاتر ایکن لادرک بولگن 5 کیشی اوچون قیدیروو – قوتقروو فعالیتلری دوام ایتماقده.

پایتخت توکیونینگ جنوب – غرب تامانیده گی شیزوکا ایالتی اتامی تومنیده 3 جولایده یوز بیرگن فلاکت عاقبتیده کمیده 130 ته اوی – جای ییقیلیب کیتگن.

عاموی خبر ارگانی NHK محلی مسؤللرگه تیانتیریب بیرگن خبرده قیدیروو – قوتقروو فعالیتلری نتیجه سیده قولگه کیریتیلگن معلوماتگه کوره اولگنلر سانی نینگ 22 گه ییتگن لیگی بیلدیریلدی.

آفت منطقه سیده 5 کیشی نینگ لادرک بولگن لیگی تخمین ایتیلماقده.

اتامی شهریده ییر کوچکیسی یوز بیرگن منطقه ده اطفائیه، پولیس و حربی کوچلردن عبارت 200 کیشیلیک قیدیروو – قوتقروو پرسونلی توپراق نینگ آستیده قالگنلرنی قیدیریش گه دوام ایتماقده.