کانادا ده اورمان یانغین لری دوام ایتماقده

کانادا نینگ غربیده هوا نینگ ایسسیقلیگی سببلی 297 فرقلی نقطه ده باشله گن اورمان یانغین لری اوچیریله آلمیپدی. 

بیریتیش کلمبیا ایالتی اورمان یانغین لری اداره سی تامانیدن بیریلگن معلومات گه کوره, اوشبو یانغین لرنینگ 84 فایزی سونگگی 48 ساعتده باشله دی.

مسئول لر, اوچ مراتبه انسان لرنی اورمان یانغین لری نینگ خطر ایجاد قیله دیگن مسکونی منطقه لر نی ترک ایتیش گه چقیردی. 

تقریباً 1100 اطفائیه چی اوشبو یانغین لرنی اوچیریش اوچون فعالیت آلیب بارماقده. 

عینی دمده یانغین اوچیریش فعالیت لری گه هلیکوپتر لر و تانکر یانغین اوچاق لری هم اشتراک ایتماقده.

بیریتیش کلمبیا ایالتیده هوا نینگ جوده ایسسیق ایکن لیگی سببلی باشله گن اوشبو یانغین حادثه لری عاقبتیده حاضرگی کون گه ایککی کیشی حیاتینی یوقاترایکن, 1000 کیلومتر مربع گه یقین اورمان ساحه سی ایسه بوتونلی یانیب کیتدی. 

ایالتده اوتگن ییل نینگ خوددی شوو دوری ده توپلم 680 اورمان یانغینی حادثه سی یوز بیررایکن, جاری ییلده ایسه اوشبو رقم نینگ 947 گه کوتریلیب کیتگن لیگی بیلدیریلدی.