امریکا حربیلری افغانستاندن چیقیب کیتگندن کیین عملیات نی تشقریدن آلیب باریش اوچون باش قاتیرماقده

امریکا قوشمه ایالتلری مرکزی استخبارات تشکیلاتی (CIA) امریکالیک حربیلرنینگ چیقیشی نینگ آرتیدن افغانستانده احتمالی عملیات ظرفیتینی دوام ایتتیریش اوچون ینگی یوللر قیدیرماقده.

امریکا قوشمه ایالتلری دولت باشلیغی جو بایدن 11 سپتامبرنینگ ییل لیگی گچه افغانستانده گی برچه امریکا حربیلری نینگ چیقه جگینی بیلدیریشیدن قیسقه مدت کیین امریکالیک حربیلرنینگ 44 فایزی چیقیب کیتدی.

چیقیش جریانی دوام ایترکن امریکا قوشمه ایالتلری نینگ افغانستانده گی عملیاتلری نینگ ایچیده اورین آلگن CIA افغانستانده گی برچه مرکزلرینی یقین پیتده قولدن بیره دی.

هم امریکا قوشمه ایالتلری مدافعه وزیرلیگی پینتاگون همده CIA افغانستانده گی تروریزم گه قرشی کوره ش عملیاتلریگه اولکه نینگ تشقریسیدن دوام ایتیش نی ریجه له ماقده.

نیویورک تایمزده اورین آلگن و موضوع بیلن تیگیشلی بعضی بیر مسؤللرنینگ بهالندیریشی گه تیانتیریلگن تحلیل یازوویگه کوره CIA افغانستان موضوعی بوییچه نیچه یول قیدیرماقده.

بیراق حلی گچه افغانستانده عملیات آلیب باریش اوچون CIA گه مرکز ایجاد ایتیش گه رخصت بیرگن هیچ بیر اولکه بولمه گن لیگی قیغو یراتماقده.

خوددی شو تحلیل گه کوره الترناتیف اولکه لردن بیرته سی ایسه پاکستان دیر. بیراق پاکستان باشقرووی آچیق بیر شکلده امریکا قوشمه ایالتلری نینگ افغانستانده عملیات آلیب باریشی اوچون حربی قونلغه لرینی بیرمس لیگینی بیلدیردی.