امریکا مدافعه وزیرلیگی سوزچیسی: افغانستان خوفسیزلیک کوچلریگه همکارلیگیمیز دوام ایته دی

امریکا قوشمه ایالتلری مدافعه وزیرلیگی (پینتاگون) سوزچیسی جان کربی، اولکه سی نینگ افغانستاده تعلیم – همکارلیک و ناتو باشچیلیگیده گی قرارلی کمک وظیفه سی نینگ 1 می تاریخیده اداغگه ییتیب باره دی دیگن افاده لری نینگ ینگلیشلیک بیلن ایتیلگن لیگینی ادعا ایتیب قیتیرب آلدی.

امریکا قوشمه ایالتلری دولت باشلیغی جو بایدن نینگ 11 سپتامبر ییل لیگی گچه امریکا قوشمه ایالتلری نینگ حربیلرینی افغانستاندن آلیب چیقیشی بیلن تیگیشلی بیاناتیدن ایککی هفته اوتدی.

بو جریانده امریکا اردوسی چیقیش ریجه سی و اولکه ده گی وظیفه لرنینگ دایره سینی چیزیش گه اورونماقده.

موضوع بیلن تیگیشلی اوله راق مدافعه وزیرلیگی سوزچیسی کربی جواب بیردی. چیقیش ریجه سی نینگ جاری آی نینگ سونگگی گچه مدافعه وزیری لوید آوستین گه تقدیم ایتیله جگینی افاده ایتدی.

چیقیش گه باشلش بیلن امریکا قوشمه ایالتلری نینگ افغانستان اردوسیگه همکارلیگی نینگ دوام ایتیشی بیلن تیگیشلی سوالگه شونقه جواب بیردی:

"1 می کیلگنده افغانستانده وظیفه گه اوزگریش یوز بیره دی. ایندی وظیفه میز افغانستان ملی خوفسیزلیک کوچلریگه تعلیم – همکارلیک، ناتو پروگرامی آستیده قرارلی کمک وظیفه سی ایمس، افغانستان نی ترک ایتیب چیقیش بوله دی" دیب ایتدی.

کربی بو بیاناتی نینگ آرتیدن تویتر آرقه لی ترقه تگت تویتیده شولرنی ایتدی:

"اوزیم ایتدیم. ناتونینک کمک قیلیش وظیفه سی 1 می تاریخیده اداغگه ییتمه یدی. بوندن تشقری افغانستان خوفسیزلیک کوچلریگه بیرگن هوا همکارلیگیمیزنی کمه یتیریش ویا اوزگریش کیلتیریش توغریسیده هم هیچ بیر قرار یوق" دیب ایتدی.