امریکا ایندی افغانستانگه عسکر یوبارمه یدی
اوشبو مطلب نی امریکا قوشمه ایالتلری مرکز کوچلری قوماندانی جنرال کنت مکنزی بیلدیردی
امریکا قوشمه ایالتلری نینگ مرکز کوچ لری قوماندانی سترجنرال کنت مکنزی, افغانستانده گی حربی لرنینگ آلیب چیقیلیشی آرتیدن اوشبو اولکه ده تروریزم تهدیدی گه قرشی کوره ش نینگ قیین بوله دیگن لیگی نی بیلدیررایکن, بیراق ایندی هیچ قچان اشغال اوچون افغانستانگه کیرمه یدیگن لیکلری نی معلوم قیلدی.
نماینده لر مجلسی قوراللی کوچلر کمیته سیده صحبت قیلگن مکنزی, امریکا قوشمه ایالتلری نینگ ینه بیر بار افغانستانگه عسکر جونه تیشی نینگ بحث موضوعی ایمس لیگی نی بیلدیردی.
مکنزی, "ایندی هیچ بیر شکلده اشغال اوچون افغانستانگه کیرمه یمیز. بیز گه قرشی هجوم اویوشتیرماقچی بولگن لر نی انیقلب کیره کلی اقدام نی قیله میز. بونی آسان دیک کورستماقچی ایمس من. آسان ایمس, انچه قیین بوله دی. لیکن بوتونلی امکانسیز هم ایمس" دییه قید ایتدی.
مکنزی, امریکا قوشمه ایالتلری نینگ افغانستانده گی تروریزم گه قرشی کوره ش عملیات لری نی کوپینچه باشقه اولکه لرگه جایلشتیریلگن امریکا هوا عنصر لری آرقه لی اویوشتیره دیگن لیک لری نی معلوم قیلدی.
علاقه لی ینگی لیکلر
آذربایجان بیلن ارمنستان اورته سیده تینچلیک اوچره شوولری بولیب اوتماقده
اوشبو اوچره شوولرگه قزاقستان نینگ آلماتا شهری میزبانلیک قیلماقده
سنگال ده بیر اوچاق نینگ یولدن چیقیب کیتگن لیگی بیلدیریلدی
یولدن چیقیب کیتگن اوشبو اوچاقده اونلب کیشی بارلیگی بیلدیریلدی