میانمارده گی ناراضیچیلیک نمایشلریده 701 کیشی اولدی

میانمارده خوفسیزلیک کوچلری نینگ کودتاگه مخالف کیشی لر گه قره ته اویوشتیرگن هجوملری عاقبتیده جان بیرگن کیشی لرنینگ سانی 701 نفر گه ییتدی.

سیاسی محکوم لرگه یاردم موسسه سی تامانیدن ترقه تیلگن راپورده, خوفسیزلیک کوچ لری نینگ ملکی لر گه قوراللی مداخله سی نتیجه سیده اولگن لر سانی نینگ 701 نفر گه ییتگن لیگی معلوم قیلیندی. 

عینی دمده راپورده, ناراضیچیلیک نمایشلریده قولگه آلینگن کیشی لرنینگ سانی نینگ هم 3 مینگ 12 نفر گه ییتگن لیگی بیلدیریلدی. 

بوندن تشقری, کودتا گه مخالف ینه 656 نفر نینگ اوشله نیشی گه قرار قیلینگن. 

میانمارده اردو 1- فبروری کونی حربی کودتا بیلن اقتدارنی قولگه کیریتگن ایدی. 

شونده ی قیلیب اردو جمهوررئیس و تشقی ایش لر وزیری داخل اولکه نینگ کوپلب مسئول لری و اقتدار ده گی حزب نینگ باشلیق لری نی قولگه آلیب میانمارده اضطراری حالت اعلان قیلگن ایدی. 

میانمارده کینگ کولملی ناراضیچیلیک نمایش لری دوام ایترایکن, نظارت آستیده گی یوقاری مرتبه لی مسئول لرنینگ حربی لر تامانیدن محاکمه سی هم دوام ایتماقده.