افغانستانده ایچکی اوروش احتمالی بار می؟

ملی خوفسیزلیک مشاوری حمدالله محب, تینچلیک اورنه تیلمسدن چیت ایللیک کوچ لرنینگ چیقیشی تقدیرده افغانستانده ایچکی اوروش باشلشی نینگ ممکن ایکن لیگی نی معلوم قیلدی.

محب پایتخت کابلده ترتیب له گن مطبوعاتی کنفرانسده, چیت ایللیک کوچلرنینگ افغانستاندن چیقیشی بوییچه شاشمسلیک کیره ک ایکن لیگی نی بیلدیردی. 

"تینچلیک اورنه تیلمسدن چیت ایللیک کوچلرنینگ چیقیشی تقدیرده ینه ایچکی اوریش باشلشی ممکن" دییه قید ایتگن محب, طالبان نینگ تینچلیک اوچون یره تیلگن فرصت نی یخشی بهالنتیریشی کیره ک ایکن لیگی نی بیلدیررایکن, اوروشدن وازکیچیب افغانستان نینگ چیت ایللیک ترورچیلرنینگ مرکزی گه ایله نیشی نینگ آلدینی آلیش اوچون طالبان نینگ هم سعی و حرکت قیلیشی نینگ ضروری ایکن لیگی نی ایسله تیب اوتدی. 

برچه قیین چیلیکلرگه قره مسدن, خوفسیزلیک کوچلری نینگ زوروانلیک لرنینگ آلدینی آلیش اوچون تیار ایکن لیگی نی معلوم قیلگن محب, "طالبان نینگ اوروش بیلن موفق بولیشی و اقتدار نی قولگه کیریتیشی ممکن ایمس. بیراق تینچلیک آرقه لی خواهله گن نرسه لری نی قولگه کیریتیشی ممکن" دییه قید ایتدی. 

افغانستان حکومتی بیلن طالبان اورته سیده استانبولده گی ییغیلیش نینگ کیلگوسی هفته لرده بولیب اوتیشی کوتیلماقده.