یمن ده حوثیلر تامانیدن اویوشتیریلگن هجوم عاقبتیده کوپلب کیشی اولیب یره لندی

یمنده حوثیلر تامانیدن اویوشتیریلگن راکت هجومی عاقبتیده ایککی نفر تینچ اهالی حیاتینی یوقاتدی 13 نفر یره لندی.

شاهدلر خبر بیریشیچه حوثیلر اورگن بیر بالستیک راکت ماریب نینگ شرقیده جایلشگن بازارگه باریب توشگن.

کسلخانه دن بیر منبع بیرگن بیاناتده بو هجوم عاقبتیده 2 نفر تینچ اهالی نینگ حیاتینی یوقاتگن لیگی بعضی بیرته سی آغیر 13 نفرنینگ یره لنگن لیگینی تلفات نینگ کوپه یشی نینگ ممکن ایکن لیگینی معلوم قیلدی.

ایران حمایه سیده گی حوثی حرکتی 11 مارچده ینگی بالستیک راکت تیزیمی، هیداوچیسیز هوا واسطه لری و سوو آستی ماینلرگه ایگه ایکن لیگینی بیلدیرگندی.

یمنده ایران حمایه سیده گی حوثی حرکتی 2014 ییلی سپتامبر آییدن بیری پایتخت صنا و بعضی بیر منطقه لرنینگ کنترولینی قولگه آلیب تورگن.

سعودی عربستان باشچیلیگیده گی ائتلاف کوچلری ایسه 2015 ییلی مارچ آییدن بیری حوثیلرگه قرشی یمن حکومتینی قوللب – قوتله ماقده.

حوثیلر یمن حکومتی نینگ اینگ مهم قلعه لریدن بولمیش و مدافعه وزیرلیگی نینگ قرارگاهینی هم اوز ایچی گه آلگن نفت و طبیعی گاز جهتیدن بای بولگن ماریب نی قولگه کیریتیب آلیش اوچون 7 فبروریدن بیری قتّیق هجوملر آلیب بارماقده.