امریکا – مکسیکو چیگره سیده قاچقین معماسی کونسایین کوپه ییب بارماقده

امریکا قوشمه ایالتلری آق اوی سوزچیسی جن پساکی مکسیکو چیگره سیده سانلری کونسایین کوپه ییب باراتگن بی سرپرست قاچاق کوچمن باله لر بیلن تیگیشلی سابق دولت باشلیغی دونالد ترامپ باشقرووی نینگ سیاستینی قاره له دی.

پساکی آق اویده اویوشتیرگن مطبوعاتی کنفرانسده مکسیکو چیگره سیده قاچاق اوله راق اوتگن و منطقه ده گی قماقخانه لرده قوییلگن بی سرپرست قاچاق کوچمن باله لرنینگ سانلری نینگ کونسایین کوپه ییب باریشی بیلن تیگیشلی شولرنی ایتدی:

"بونی جدی بیر پرابلم ایکن لیگینی قبول ایته میز. بیراق آلدینگی باشقروو بیزگه ایریم پرابلملر کبی برباد بیر کوچمن تیزیمی قوییب کیتدی. بوو معماگه ییچیم تاپیش اوچون قولیمیزدن کیلگن نی قیله میز" دیدی.