امریکا قوشمه ایالتلری کوچ لری نینگ جایلشگن قرارگاه گه راکت آتیلدی؛ بیر کیشی اولدی

امریکا قوشمه ایالتلری مدافعه وزیرلیگی سوزچیسی جان کِربی, امریکالیک حربی لرنینگ هم جایلشگن عین الاسد حربی مرکز گه توناوون اویوشتیریلگن راکتی هجوم عاقبتیده اجیر بیر نفر امریکالیک پرسونل نینگ قلبی سکته سببلی حیاتی نی یوقاتگن لیگی نی معلوم قیلدی. 

سوزچیسی, اوشبو راکتی هجوم توغریسیده بوگون یازمه بیانات بیردی. 

اوشبو حربی مرکز گه 10 راکت آتیلگن لیگی بیراق امریکالیک حربی لر گه ضرر ییتکزیلمه گن لیگی نی بیلدیرگن سوزچی, بیر نفر امریکالیک پرسونل نینگ قلبی سکته سببلی حیاتی نی یوقاتگن لیگی نی بیلدیردی. 

سوزچی, عراق خوفسیزلیک کوچ لری نینگ منطقه ده موجود ایکن لیگی نی بیلدیررایکن, حادثه بیلن علاقه لی تیرگاو باشله تیلگن لیگی نی معلوم قیلدی. 

مذکور حربی مرکز ده راکت, توپ و هاوان نینگ آلدی نی آلیش سیستم لری نینگ فعالیت گه باشله گن لیگی نی معلوم قیلگن سوزچی, اوشبو هجوم بیلن علاقه لی امریکا قوشمه ایالتلری مدافعه وزیرلیگی گه معلومات بیریلگن لیگی نی بیلدیردی. 

میلادی 2021- ییل 15 فبروری ده, امریکا قوشمه ایالتلری عسکر لری نینگ موجود بولگن اربیل هوا قونلغه سی و 22 فبروری ده ایسه بغداد ده گی یشیل منطقه گه راکتی هجوم اویوشتیریلگن ایدی. 

امریکا اردوسی ایسه 26 فبروری ده ایران حمایه سیده گی جنگری لرنینگ سوریه-عراق چیگره سی نینگ سوریه تامانیده گی بیر مرکزی نی بمباران قیلرایکن, اوشبو حادثه نتیجه سیده 1 نفر جنگری اولگن ایدی.