آذربایجان بیر قطار منطقه لرنی قولگه کیریتیب آلدی

آذربایجان اردوسی اشغال آستیده گی توپراقلرینی قوتقریب آلیش اوچون باشلتگن عملیات دایره سیده جبرائیل ولایتی نینگ 3 ته قشلاغی بیلن بعضی بیر ستراتیژیک تپه لرنینگ کنترولینی قولگه کیریتیب آلدی.

توناون کونی دوام ایتگن توقنه شوولرده آذربایجان اردوسی شیخ علی، سریجه علی و مزرع قشلاقلرینی اشغالدن قوتقریب آلدی.

آذربایجان اردوسی جبهه خطیده گی بیر قطار مهم تیپه لرنی هم ارمنی کوچلری نینگ قولیدن قوتقریب آلدی.

آذبایجان جمهور باشلیغی الهام علی یف تویتر آرقه لی پیام ترقتدی.

"بوگون آذربایجان اردوسی جبرائیل ولایتی نینگ شیخ علی، سریجه علی و مزرع قشلاقلری بیلن بعضی بیر ستراتیژیک تپه لرنینگ کنترولینی قولگه کیریتیب آلدی. قهرمان اردومیزنینگ یوتوقلی عملیلیاتلری دوام ایتماقده. قاره باغ آذربایجان دیر" دیگن.

آذربایجان عسکرلری ارمنستان اردوسی نینگ 4 گراد راکت تیزیمینی و 3 ته تانکینی یوق قیلیب تشله دی.

آذربایجان اردوسی یوتوقلی بیر شکلده ایلگریلب باررکن ارمنی کوچلری مسگونی منطقه لرگه هجوم اویوشتیرماقده.

اولکه نینگ 2- بویوک شهری بولمیش گنجه بیلن بیرقطارده ترتر، آغدم، آغجه بیدی، بیلگان، گویگول، برده و گورانبای ولایتلری نینگ مرکزلری و بعضی بیر قیشلاقلریگه توپ اوریلماقده.

برده و آغدم گه قره ته اویوشتیریلگن هجوم عاقبتیده 2 نفر تینچ اهالی حیاتینی یوقاتدی.

باشقه تاماندن امریکا قوشمه ایالتلری تشقی ایشلر وزیری مایک پمپیئو، روسیه تشقی ایشلر وزیری سرگی لاوروف و فرانسه تشقی ایشلر وزیری ژان یی لی دریان مشترک اعلامیه گه قول قوییب تامانلرنینگ توقنه شوونی توخته تیشلرینی خواهله دی.