بیرلشگن ملتلر تشکیلاتی خوفسیزلیک کینگشی آذربایجان و ارمنستان گه چقیریق قیلدی

بیرلشگن ملتلر تشکیلاتی خوفسیزلیک کینگشی آذربایجان و ارمنستان گه تاغلیک قاره باغده گی توقنه شوونی تیزلیکده اداغگه ییتکیزیشیلری، بحران نی کمه یتیریش و مذاکره لرگه قیتیش چیقیریغی قیلدی.

بیرلشگن ملتلر تشکیلاتی خوفسیزلیک کینگشی تاغلیک قاره باغده یوز بیرگن توقنه شوولر حقیده یاپیق روشده جلسه اوتکزدی.

جلسه نینگ آرتیدن بیریلگن بیاناتده، تاغلیک قاره باغده گی جبهه خطیده یوز بیرگن عسکری عملیاتدن خواطرده ایکن لیگی بیلدیریلدی.

توقنه شوولرده گی ملکی تلفات نی و زوروانلیک نی قاره له گن بیرلشگن ملتلر تشکیلاتی خوفسیزلیک کینگشی تامانلرگه توقنه شوونی تیزلیکده اداغگه ییتکیزیشیلری، بحران نی کمه یتیریش و کیچ قالمسدن مذاکره لرگه قیتیش چیقیریغی قیلدی.

27 سپتامبرده ایرته لب ارمنستان – آذربایجان جبهه خطیده ارمنستان کوچلری تامانیدن آذربایجان مسکونی منطقه لریگه اوق اوزیشی نتیجه سیده توقنه شوولر باشلنگن ایدی.

آذربایجان اردوسی جواب بیریب هجوم باشلتر ایکن بعضی بیر مسکونی منطقه لرنی اشغالدن قوتقریب آلگندی.