آذربایجانده اوروش وضعیتی ایتیب اعلان قیلیندی

آذربایجان جمهور باشلیغی مصلحتچیسی حکمت حاجی یف، "اوروش وضعیتی نینگ 28 سپتامبر کونی محلی وقت بیلن کیچه لب ساعت 00:00 ده باشلشیدن خبر بیریب باکو، گنجه، سومقایت، یولاح، مینگه چیویر، نفت آلان ولایتیلری بیلن بیر قطارده آبشرون، جبرائیل، فضولی، بیلاقان، آغدم، ترتر، گویگول، داشکیسن، گدابی، تویوز، شمکیر، قزاخ و آغستافا تومنلرینی اوز ایچی گه آلگن لیگینی بیلدیردی.

"اوروش .ضعیتی" پیتیده محلی وقت بیلن آقشم ساعت 21:00 بیلن ایرته لب ساعت 06:00 گچه تشقری چیقیش اوچون رخصت آلیش شرط.

توناون کونی ایرته لب آذربایجان - ارمنستان جبهه خطیده ارمنی کوچلری نینگ آذربایجان مسکونی منطقه لریگه قره ته اوق اوزیشی بیلن توقنه شوو باشله گن ایدی.

آذربایجان اردوسی هجوم اویوشتیریب بعضی بیر مسکونی منطقه لرنی اشغالدن قوتقریب آلگندی.

باشقه تاماندن ارمنستان حکومتی هم تاغلیک قره باغده گی وضعیت باعث اولکه ده "اوروش وضعیتی" و اولکه مقیاسیده عاجل وضعیت ایتیب اعلان قیلدی.