بیرلشگن ملتلر تشکیلاتی خوفسیزلیک کینگشی مالی ده گی کودتا نی قاره له دی
کینگش نینگ مالی ده گی کودتا بیلن علاقه لی ییغیلیشی بولیب اوتدی
بیرلشگن ملت لر تشکیلاتی خوفسیزلیک کینگشی مالی ده گی کودتا نی قاره لب چیقدی.
خوفسیزلیک کینگشی نینگ انترنت سایتی ده ترقه تیلگن بیلدیروده, "کینگش اعضا لری مالی ده گی سونگگی ینگیلیک لر بیلن علاقه لی خواطر بیلدیردی. 2020- ییل 18 آگست ده مالی نینگ کاتی شهریده بولگن, جمهوررئیس, باش وزیر و کوپلب کابینه اعضا لری نینگ عصیانچی لر تامانیدن اوشله نیشی گه سبب بولگن عصیان نی قتتیق قاره له دی لر" دییه قید ایتیلدی.
ترقه تیلگن بیلدیروده, مالی ده حربی لر دن, نظارت آستیگه آلگن برچه مسئول لر نی زودلیک بیلن قویب یوباریشی و اوز لری نینگ هم قشله لری گه قیتیب باریش لری طلب ایتیلدی.
بیرلشگن ملت لر تشکیلاتی خوفسیزلیک کینگشی, مالی ده گی غربی افریقا دولت لری اقتصادی جمعیتی و بیرلشگن ملت لر تشکیلاتی مالی کوپ تامانلمه برقرارلیک هیئتی نینگ تشبث لری و واسطه چیلیک بوییچه سعی و حرکت لری نی قوللب- قوتلیاتگن لیگی نی بیلدیردی.
18 آگست ده ایرته لب پایتخت باماکو یقینی ده جایلشگن کاتی ده گی حربی مرکز دن بیر گروپ حربی لر چیقیب پایتخت گه کیلدی.
اردو نینگ ایککی قسم گه اجره لگن لیگی, بیر قسمی نینگ عصیانچی ایکن لیگی و قالگن بولیمی نینگ ایسه کیتا نینگ امریده ایکن لیگی معلوم قیلینگن ایدی.
پارلمان باشلیغی, اقتصاد و تشقی ایش لر وزیرلری کودتاچی حربی لر تامانیدن آلیب قاچیریلگن ایدی.
توشدن کیین ایسه کودتاچی لر تامانیدن آلیب قاچیریلگن جمهوررئیس کیتا, دولت تلویزیونی آرقه لی بیرگن بیاناتیده, استعفا ایتگن لیگی و پارلمان بیلن حکومت نی لغو قیلگن لیگی نی بیلدیرگن ایدی.
اوپوزسیون, می آیی دن بیری کیتا نینگ استعفا سی نی طلب ایتیب ناراضی چیلیک نمایش لری اوتکزماقده ایدی.
علاقه لی ینگی لیکلر
آذربایجان بیلن ارمنستان اورته سیده تینچلیک اوچره شوولری بولیب اوتماقده
اوشبو اوچره شوولرگه قزاقستان نینگ آلماتا شهری میزبانلیک قیلماقده
سنگال ده بیر اوچاق نینگ یولدن چیقیب کیتگن لیگی بیلدیریلدی
یولدن چیقیب کیتگن اوشبو اوچاقده اونلب کیشی بارلیگی بیلدیریلدی