لبنان پایتختی بیروت ده گی ناراضی چیلیک نمایش لری

خوفسیزلیک کوچ لری, لبنان پایتختی بیروت ده توناون آقشام پارلمان بنا سی تامان حرکت قیلماقچی بولگن نمایشچی لر گه قرشی کوز یاشی توکتروچی گاز دن فایده لندی.

بیروت نینگ مرکزی ده گی شهید لر میدانی ده توپلنگن نمایشچی لر, 4 آگست ده بیروت بندری ده یوز بیرگن پارتلش بوییچه مسئول ایکن لیک لری نی بیلدیریاتگن سیاستچی لر و مسئول لر گه قرشی ناراضی چیلیک نمایش لری اوتکزدی. 

خوفسیزلیک کوچ لری, شهید لر میدانی یقینیده گی پارلمان بنا سی تامان حرکت قیلماقچی بولگن و پولیس لر گه تاش آتگن نمایشچی لر گه قرشی کوز یاشی توکتروچی گاز دن فایده لندی.

نمایشچی لر گه قوشیلیش اوچون شهید لر میدانی گه بارگن جمهوررئیس میشل عون نینگ کویاوی و پارلمان اعضاسی شامل روکز, آره لریده سیاستچی خواهلمیاتگن لیگی نی بیلدیرگن نمایشچی لرنینگ عکس العملی گه دوچ کیلیب قالدی. 

آلدینگی کون هم پایتخت ده توپلنگن مینگلب کیشی, 158 کیشی نینگ اولیمی و 6 مینگ دن آرتیق کیشی نینگ ایسه یره له نیشی گه سبب بولگن پارتلش بوییچه مسئول ایکن لیک لری نی بیلدیریاتگن دولت مقام لری گه قرشی ناراضی چیلیک بیلدیرگن ایدی. 

خوفسیزلیک کوچ لری, پارلمان بنا سی تامان حرکت قیلیب  ایریم وزیرلیک لر گه باسیب کیرگن نمایشچی لر نی توخته تیش گه انتیلگن ایدی. 

کیچ ساعت لر گه قدر دوام ایتگن حادثه لرده خوفسیزلیک کوچ لری دن بیر کیشی جان بیررایکن, 238 کیشی ایسه یره لندی. 

یره لنگن اوشبو کیشی لرنینگ 70 نفری نینگ پولیس ایکن لیگی بیلدیریلرایکن, 20 نفر نینگ ایسه نظارت آستیگه آلینگن لیگی معلوم قیلینگن ایدی.