فرانسه ده بولیب اوتگن محلی سیلاولرده جمهور باشلیغی نینگ حزبی اوتیلدی

فرانسه ده جمهور باشلیغی ایمانوئیل مکرون ییتکچیسی بولمیش جمهوریت یوروییش حرکتی (LREM) محلی سیلاولرنینگ ایککینچی باسقیچیده آغیر بیر شکلده مغلوبیت گه اوچره دی.

جاری ییل نینگ 22 مارچ تاریخیده بولیب اوتیشی ریجه لنگن بیراق ینگی تور کروناویروس (کوید-19) کسل لیگی باعث کیینگه قالدیریلگن سیلاولرنینگ ایککینچی باسقیچی توناون کیچه اداغگه ییتیب باردی.

فرانسه ده  سیلاوچی سانی16،5 میلیون ایکن بولردن ایککینچی باسقیچده رای استفاده قیلمه گن سیلاوچی سانی ریکارد اورنه تیب 60 فایزگه باردی.

صندوقدن چیققن رایلرنینگ تیکشیروویگه کوره جمهوریت یوروییش حرکتی سیلاونینگ ایککینچی باسقیچیده هم کتته شهرلرنینگ بلدیه باشلیغلرینی قولدن بیردی. یشیللر حزبی  (EELV) لیون، بوردو، سترازبورگ و مارسیلیا کبی شهرلرده یوتوق قازانیب آلدی.

باش وزیر ایدوارد فلیپ، لی هاورده گی رقابتده 58،83 فایز رای بیلن یوتوق قازاندی.

پایتخت پاریسده سوسیالیست حزبی نینگ کاندیدی حاضرگی بلدیه باشلیغی اننه هیدالگو، 48،7 فایز رای آلیب قیته دن بلدیه باشلیغی ایتیب سیلندی.