امریکا قوشمه ایالتلریده دولت رئیسلیک کاندیدلیگی اوچون دموکراتلردن جو بایدن یوتوق قولگه کیریتدی

امریکا قوشمه ایالتلری نینگ نیویورک، کنتاکی و ویرجینیئا ایالتلریده دموکراتلر اورته سیده بولیب اوتگن سیلاولرده سابق دولت باشلیغی اورینباسری جو بایدن یوتوق قازاندی.

آسوشیتدپرس تامانیدن اعلان قیلینگن غیر رسمی نتیجه لرگه کوره، کنتاکی ده گی سیلاونی قازانگن جو بایدن نیویورک و ویرجینیئاده هم یوتوق قولگه کیریتگن.

دموکراتلر 17 اگست هفته سیده ویسکانسین ایالتیده نینگ میلواکی شهریده رسمی اوله راق دولت باشلیغی کاندیدلرینی انیقلب اعلان قیله دیلر.

جمهوریتچی حزبی نینگ حاضرگی دولت باشلیغی دانلد ترامپ نی کاندید بیره دیگن کنگره 24-27 اگستده بولیب اوته دی.

اولکه ده 2020 ییلی 3 – نوامبرده بولیب اوته دیگن سیلاوده یوتوق قازانه دیگن کاندید 2021 ییلی 20 جنوریده آق اویده دولت رئیسلیک چوکیسینی تسلیم آله دی.

باشقه تاماندن دانلد ترامپ تیکشیروولرده جو بایدن دن 14 نمره کیینگه قالگن وضعیتده.  

نیویورک تایمز و سیئنا کولج تامانیدن آلیب باریلگن تیکشیروو نتیجه لریگه کوره دموکراتلرنینگ کاندیدی جو بایدن 50 فایز ییتیب باررکن دانلد ترامپ ایسه 36 فایز بیلن رقیبی نینگ 14 نمره آرقه سیگه قالیب کیتگن.

بایدن نی کوپراق خاتین – قیز، قاره تنلی و اسپانیول اصللی لر رای بیررکن، دانلد ترامپ ایسه ینگی تور کروناویروس (کوید-19) کسل لیگی و عرقچیلیک که قرشی مظاهره لرگه قره ته یانداشووی باعث خلق نینگ علاقه سینی قولدن بیرگن.

45 یاشدن کیچیک آق تنلی لرنینگ 52 فایزی بایدن نی، 30 فایزی ایسه دانلد ترامپ نی قولب – قوتله ماقده.