لیبیا ایچکی ایشلر وزیری امریکالیک ییتکچیلر بیلن اوز ارا خوفسیزلیک همکارلیگی بوییچه اوچره شوو اوتکزدی

لیبیا ایچکی ایشلر وزیری فتحی باشاغا امریکا قوشمه ایالتلری ییتکچیلر بیلن اوز ارا خوفسیزلیک همکارلیگی بوییچه اوچره شوو اوتکزدی.

لیبیا ایچکی ایشلر وزیرلیگی تامانیدن بیریلگن یازمه بیاناتده، ویدیو کنفرانس آرقه لی بولیب اوتگن اوچره شووده لیبیاده خوفسیزلیک سکتوریده گی ریفورم  فعالیتلری و ایچکی ایشلر وزیرلیگیده گی تورلی خدمات و بولیملرنینگ رواجلنیش ریجه سی قولگه آلینگن لیگی بیلدیریلدی.

ایچکی ایشلر وزیرلیگیده گی ریفورم اورونیشلرینی مقته گن امریکالیک ییتکچیلر بیلن لیبیانینگ شرقیده گی غیر مشروع کوچلرنینگ رهبری خلیفه حفترگه باغلیق جنگریلر تامانیدن جایلشتیریلگن ماینلرنینگ تمیزلنیشی بوییچه حصه قوشیشلری هم مطرح بولگن.

بو اوچره شووده لیبیا تامانیدن فتحی باشاغا قاله ویرسه خوفسیزلیک ایشلر بوییچه مستشار اورینباسری محمد المداغی، خلق ارا پولیس شعبه سی مسؤلی عبدالحمید الغزالی، خوفسیزلیک اوپراسیونلری عمومی باشقرمه سی علی ان نویسییری و جزائی تیرگاو سرویسی باشقرووچیسی محمد عاشور، امریکا قوشمه ایالتلری تامانیدن ایچکی ایشلر وزیریری شمالی افریقا ایشلری بوییچه مسؤلی اورینباسری هنری ورسستر و امریکا قوشمه ایالتلری نینگ الطرابلس بویوک ایلچیسی ریچارد نورلند بیلن بعضی بیر قومندانلر اورین آلدی.