صربستان و بوسنیا هرزگوینا ده سیل حادثه سی یوز بیردی

بالقان اولکه لری بوسنیا هرزگوینا بیلن صربستان ده ایککی کوندن بیری اوزلیکسیز دوام ایته یاتگن یامغیر باعث دریالر تاشیب کیتدی، بعضی بیر منطقه لرده ییر سیلجیشی یوز بیردی.

بوسنیا هرزگوین اولوفو شهریده کریواژه دریاسی نینگ تاشیب کیتیشی عاقبتیده کوپلب اوی-جای، ایش جایی و ایکینچیلیکلر سوو آستیگه قالیب کیترکن شهرده آفت وضعیتی ایتیب اعلان قیلیندی.

زیفینجه شهریده هم دریانینگ تاشیب کیتیشی بیلن بیر اوی ییقیلیب کیترکن، کلادانج-زیفینجه قتناو یولیده یوز بیرگن ییر کوچکیسی باعث یول نینگ یاپیلگن لیگی معلوم قیلیندی.

صربستان نینگ اورته و جنوب تامانیده قتّیق یامغیر باعث 700 دن آرتیق اوی-جای گه ضرر ییتکن لیگی قید ایتیلدی.

محلی مطبوعاتده اورین آلگن خبرلرده قتناو یوللرنینگ انچه منطقه ده یاپیلگن لیگی ایبار دریاسی نینگ تولیب کیتیشی عاقبتیده دریانینگ قیرغاغیده گی کافی و رستورانتلرنینگ سووگه چوکیب کیتگن لیگی معلوم قیلیندی.

انچه منطقه ده سوو تاشقینلری باعث کوپریک و یوللر چوکیت کیترکن، کوپلب کیشی نینگ تخلیه قیلینگن لیگی افاده ایتیلدی.