امریکا تشقی ایشلر وزیر اورینباسری نینگ استعفا ایتگن لیگی بیلدیریلدی
دولت باشلیغی دانلد ترامپ نینگ عرقچیلیک که قرشی یانداشووی یاقمه گن لیگی باعث استعفا ایتگن
امریکا قوشمه ایالتلری تشقی ایشلر وزیرلیگی قانون چیلیک ایشلری بوییچه اورینباسر مری ایلیزابت تایلور، دولت باشلیغی دانلد ترامپ نینگ اولکه ده گی عرقچیلیک بحرانینی قولگه آلیش شکلی باعث وظیفه سیدن استعفا ایتدی.
واشنگتن پوست روزنامه سی، ترامپ دولت رئیسلیک چوکی سیگه اولتیرگندن بیری تشقی ایشلر وزیرلیگیده وظیفه آلیب باراتگن تایلورنینگ استعفا عرضه سینی یایینله دی.
تایلور تامانیدن تشقی ایشلر وزیری مایک پمپیئوگه یوباریلگن استعفا مکتوبیده، "دولت باشلیغی نینگ عرقی عدالتسیزلیک و افریقا اصل لی امریکالیکلرنی اوز ایچی گه آلگن عمللری ارزشلریم و اعتقادلریم گه ماس ایمس. بو وضعیت گه قره ب وجدانیم نینگ سیسی گه قولاق سالیب تشقی ایشلر وزیرلیگی قانونچیلیک ایشلری بوییچه وزیر اورینباسرلیگیدن استعفا ایتیش گه مجبور قالدیم" دیب افاده ایتدی.
تشقی ایشلر وزیرلیگیده بو وظیفه گه تعین ایتیلگن ایلک افریقا اصللی دیپلومات بولگن تایلور، 2017-2018 ییللری آره سیده آق اویده قانونچیلیک ایشلری باشلیغی نینگ اسیستانت لیگینی قیلگن ایدی.
ترامپ 25 می کونی مینه پولیس ده افریقا اصللی قاره تنلی امریکالیک جورج فلویدنینگ پولیس تامانیدن اولدیریلیشی بیلن باشلنگن ناراضی چیلیک نمایشلریگه وقت وقتی بیلن قتّیق عکس العمل کورستگندی، اینیقسه پایتخت واشنگتن دی سی بیلن بیر قطارده انچه بویوک شهرده خشونت و چور قیلیش حادثه لرینی بهانه قیلیب آغیر خوفسیزلیک چاره – تدبیرلری آلینیشینی بویورگندی.
