امریکا افغانستان گه 42 میلیون دالر یاردم بیره دی

افغانستان ساغلیق نی سقلش وزیرلیگی نینگ سرپرستی احمد جواد عثمانی, ویدیوکنفرانس آرقه لی, امریکا قوشمه ایالت لری نینگ افغانستان بوییچه خلق ارا رواجله نیش اداره سی نینگ مسئولی پیتر نتیلو بیلن اوچره شدی. 

اوشبو اوچره شووده, نتیلو امریکا قوشمه ایالت لری نینگ ینگی تور کرونا ویروس (کووید 19) گه قرشی کوره ش دایره سیده افغانستان گه 42,5 میلیون دالر یاردم بیره دیگن لیگی نی معلوم قیلدی. 

نتیلو, اوشبو یاردم نینگ 10,9 میلیون دالر لیک قسمی نینگ جهان ساغلیق نی سقلش تشکیلاتی دایره سیده لابراتوار لرنینگ قوریلیشی اوچون افغانستان ساغلیق نی سقلش وزیرلیگی گه بیریله دیگن لیگی نی بیلدیردی. 

نتیلو, قالگن 31,6 میلیون دالر نینگ ایسه کرونا ویروس گه قرشی کوره ش و کسل لر نینگ تداوی ایتیلیشی اوچون اوشبو وزیرلیککه بیریله دیگن لیگی نی معلوم قیلدی. 

عثمانی ایسه, اوشبو یاردم لر اوچون منتدارچیلیک بیلدیررایکن, خوددی شوو پول نینگ مصرف ایتیلیشی بوییچه تینیقلیک نی تامین ایتیش مقصدی ده نادولت تشکیلات لر دن بیر نماینده تعینلیدیگن لیگی نی ایسله تیب اوتدی.